Featured

What Caught My eye!

This is the post excerpt.

I consider myself multi-talented person with rich experience in Banking, Technology and Teaching. Besides this, I have used my God given talents to capture the beauty of nature through my continuous efforts in photography for a long time.  My strength is my positive thinking attitude and being a solution oriented person which has helped the people around me. Through this blog I wish to share some of my experiences in various fields with all.

 

AAA IMG_2694
Satnam Wahe Guru ji!
IMG_0287A
Nature at its peak – Kasuali

Sponsored Post Learn from the experts: Create a successful blog with our brand new courseThe WordPress.com Blog

Are you new to blogging, and do you want step-by-step guidance on how to publish and grow your blog? Learn more about our new Blogging for Beginners course and get 50% off through December 10th.

WordPress.com is excited to announce our newest offering: a course just for beginning bloggers where you’ll learn everything you need to know about blogging from the most trusted experts in the industry. We have helped millions of blogs get up and running, we know what works, and we want you to to know everything we know. This course provides all the fundamental skills and inspiration you need to get your blog started, an interactive community forum, and content updated annually.

சர்க்கரைப் பொங்கல் Sakkarai Pongal

சர்க்கரைப் பொங்கல்
Sakkarai Pongal

ஆடி மாதத்தில் தேடி விதைத்த நல்ல விதைகள், வளர்ந்து அதன் முழு பலன்களை அடையக் கூடிய பருவம் அதாவது அறுவடை செய்யக் கூடிய பருவம் தான் தை மாதம். பயிர்கள் விளைய உதவியாக இருந்த இயற்கையை அதாவது சூரியன், வருணன் என அனைவரையும் வணங்கும் பொருட்டு இந்த அறுவடையில் கிடைத்த புத்தரிசியை, வெல்லம், பால், நெய் சேர்த்து புது பானையில் பொங்கலிட்டு சூரியனுக்கு படைக்கும் மிக உன்னத நாளாகும்.
நாம் கொண்டாடுகின்ற அதிகமான விழாக்களில் பொங்கல் ஒரு முக்கியமான இடத்தை பிடிக்கிறது.

சர்க்கரைப் பொங்கல் – 1

தேவையான பொருட்கள்:

  1. பச்சரிசி : ½ கிலோ
  2. பாசிப் பருப்பு : 50கிராம்
  3. முந்திரிப் பருப்பு: 20கிராம்
  4. கிசுமுசுப் பழம்: 20 கிராம்
  5. சுக்கு பொடி: 1டீஸ்பூன்
  6. ஏலக்காய்: 8 பொடி பண்ணியது
  7. தேங்காய் சிறியது : 1
  8. நெய்: 150 கிராம்
  9. கற்கண்டு: ¼ கிலோ
  10. மண்டை வெல்லம்: 600 கிராம்
  11. தண்ணீர்: 1750 மில்லி லிட்டர்

செய்முறை:

முதலில் கற்கண்டு, வெல்லம் ஆகியவற்றை தூளாக்கிக் கொள்ள வேண்டும். குக்கரில் 1750 மில்லி லிட்டர் (சுமார் 3 ½ பங்கு) நீர் விட்டு பச்சரிசி (1 பங்கு), பாசிப்பருப்பு ஆகியவற்றை போட்டு சாதம் ரெடி பண்ண வேண்டும்.

சத்தம் நின்ற பின் குக்கரை திறந்து அதில் தூளாக்கி வைத்துள்ள கற்கண்டு, வெல்லத்தை போட்டு கிண்டவும். தனியாக வாணலியில் சிறிது நெய்யை ஊற்றி அதில் முந்திரிப் பருப்பு, கிசுமுசு பழம், துருவிய தேங்காயை போட்டு வறுக்க வேண்டும்.

தேங்காய் பொன்னிறமாக வதக்கிய பின் கலவையை குக்கரில் போட்டு ஏலக்காய் பொடி, சுக்குப் பொடி, மீதமுள்ள நெய் ஆகியவற்றை சேர்த்து இளஞ்சூட்டில் கிண்டி வெல்லம் நன்றாக கரைந்த பின் குக்கரை இறக்க வேண்டும். சுவையான சர்க்கரைப் பொங்கல் தயார்.

சர்க்கரைப் பொங்கல் – 2

தேவையான பொருட்கள் :

  1. அரிசி : 1 கப்
  2. பாசிப்பருப்பு : 2 டேபுள் ஸ்பூன்
  3. பால் : 1 கப்
  4. வெல்லம் : 3/4 கப்
  5. நெய் : 100 கிராம்
  6. முந்திரிப்பருப்பு : தேவையான அளவு
  7. காய்ந்த திராட்சை : தேவையான அளவு
  8. ஏலக்காய் : 3 பொடி செய்தது

செய்முறை :

  1. வெல்லத்தை பொடித்து கொள்ளவும்.
  2. அரிசியையும், பருப்பையும் நன்றாக கழுவி 4 கப் நீர் ஊற்றி குழைய வேக விட வேண்டும்.
  3. ஒரு பாத்திரத்தில் பாலை ஊற்றி கொதிக்க விடவும்.
  4. பால் நன்கு கொதிக்க ஆரம்பித்தவுடன் அந்த பாலை அரிசி, பருப்பு கலவையில் ஊற்றி அடுப்பை மிதமான தீயில் வைத்து கிளறி விடவும்.
  5. அடுத்து அதில் பொடித்த வெல்லம், ஏலக்காய் போட்டு அதனுடன் சிறிதளவு நெய் சேர்த்து நன்றாக கலந்து விடவும்.
  6. ஒரு கடாயை அடுப்பில் வைத்து நெய் ஊற்றி சூடானதும் அதில் முந்திரிப்பருப்புயும், காய்ந்த திராட்சையும் பொன் நிறத்தில் வறுத்து பொங்கலில் கொட்டி கிளறவும்.
  7. திக்கான பதம் வந்தவுடன் இறக்கி வைத்து சூடாக பரிமாறவும்.
  8. சூப்பரான சர்க்கரை பொங்கல் ரெடி.

சர்க்கரைப் பொங்கல் – 3

தேவையான பொருட்கள் :

  1. பச்சரிசி : 1 கப்
  2. பால் : 4 கப்
  3. தண்ணீர் : 4 கப்
  4. வெல்லம் : 2 கப்
  5. நெய் : 2 தேக்கரண்டி
  6. முந்திரி : 10
  7. திராட்சை : 10

செய்முறை :

  1. வெல்லத்தை துருவிக்கொள்ளவும்.
  2. அகலமான அடிகனமான பாத்திரத்தில் 1 கப் தண்ணீர் விட்டு கொதி வந்தவுடன், பச்சரிசியைக் களைந்து அலம்பி அதில் போடவும். அரிசியுடன் தண்ணீர் அதிகமாகவும் பாலைக் குறைவாகவும் சேர்க்கவும்.
  3. அரிசி வேக ஆரம்பித்தவுடன் பாலைச் சிறிது சிறிதாக சேர்க்கவும். அரிசி வெந்து நன்கு குழையும் வரை வேக விடவும்.
  4. வெல்லத்தைச் சிறிது தண்ணீர் ஊற்றி அடுப்பில் வைத்து கொதிக்க வைத்துக் கரைந்ததும் வடிகட்டி, கொள்ளவும்.
  5. அரிசி வெந்து நன்கு குழைய ஆரம்பித்தவுடன் வடிகட்டி வைத்துள்ள வெல்லத்தை கரைசலை ஊற்றி தீயைக் குறைத்து வைக்கவும். எல்லாம் ஒன்று சேர்ந்து வெந்தவுடன், நெய்யில் முந்திரி, திராட்சையை வறுத்துப் போடவும்.

சூப்பரான பால் சர்க்கரை பொங்கல் ரெடி.

சர்க்கரை பொங்கல் – 4

தேவையான பொருட்கள்:

  1. பச்சரிசி : 1/2 கிலோ
  2. பாசிப்பருப்பு : 200 கிராம்
  3. வெல்லம் : 1 கிலோ
  4. பால் : 1/2 லிட்டர்
  5. நெய் : 100 கிராம்
  6. முந்திரி : 100
  7. சுக்கு : சிறிது
  8. ஏலக்காய் : 10
  9. தேங்காய் : 1

தயார் செய்ய வேண்டியவை:

  1. அரிசியை தண்ணீர் விட்டு நன்கு கழுவி தண்ணீரை வடித்துக்கொள்ளவும்.
  2. பாசிப்பருப்பை ஒரு வாணலியில் போட்டு நன்கு வறுத்துக் கொள்ளவும்.
  3. ஏலக்காய், சுக்கு இரண்டையும் மிக்சியில் பவுடராக அரைத்து கொள்ளவும்.
  4. முந்திரியை நெய்யில் வறுத்துக் கொள்ளவும்.
  5. தேங்காயை நன்கு துருவிக்கொள்ளவும்.

செய்முறை:

  1. ஒரு பாத்திரத்தில் ஒரு லிட்டர் தண்ணீர் மற்றும் பால் சேர்த்து அடுப்பில் வைக்கவும். பால் பொங்கி வரும்போது அரிசியை போட்டு நன்கு வேக விடவும். அரிசி முக்கால் பதம் வெந்ததும் பாசிப்பருப்பை சேர்த்து நன்கு வேகவிடவும்.
  2. அரிசியும், பருப்பும் நன்கு வெந்ததும் அதில் வெல்லத்தை சேர்த்து நன்கு கிளறிக்கொண்டே இருக்க வேண்டும். நன்கு கிளறிய பின்பு வறுத்த முந்திரி, துருவிய தேங்காய் இரண்டையும் சேர்த்து நன்கு கிளறவும்.
  3. அதன் பிறகு ஏலக்காய், சுக்கு பவுடரையும் சேர்த்து நன்கு கிளறவும். அடுப்பில் இருந்து இறக்கும் போது நெய் ஊற்றி நன்கு கிளறி இறக்கவும். சுவையான சக்கரைப் பொங்கல் தயார்.

சக்கரை பொங்கல் – 5

  1. பச்சரிசி : 1 கப்
  2. பாசிபருப்பு: 2 மேஜைக்கரண்டி
  3. கடலை பருப்பு: 1 தேக்கரண்டி
  4. வெல்லம்: 1 1/2 – 2 கப்
  5. நெய் : 4 மேஜைக்கரண்டி
  6. முந்திரி கிஸ்மிஸ் ஏலப்பொடி குங்குமப்பூ வேண்டியதைபோல

பச்சரிசி, பாசிபருப்பு,கடலை பருப்பு இவற்றை ஒன்றாகக் கழுவி ஒன்றுக்கு மூன்று என்ற கணக்கில் தண்ணீர்க்க சேர்த்து குக்கரில் ஐந்து விசில் வரும்வரை வேக வைக்கவும்.

குக்கர் இறக்கியபின் அதை குறைந்தபட்சம் பத்து நிமிடம் விட்டு வைத்து பின் திறப்பது நல்லது.
இந்த நேரம் (standing time) தான் மொத்தமாக முழுமையாக பொருட்கள் வெந்து அடங்கும் நேரம். இல்லாவிடில் சோறும் நீருமாக சலசலவென காணப்படும்.
( புதிதாக சமைக்கத்துவங்கும் சில இளம் பெண்கள், ஆண்கள் இதை படிக்க நேரிடலாம். அவர்களுக்காக மட்டுமே சொல்லப்பட்ட குறிப்பு இது. மற்றவருக்கு தெரிந்த விஷயமே)
அடி கனமான வாணலி அல்லது பாத்திரத்தில் வெல்லத்தை பொடி செய்து போட்டு அது சற்றே மூழ்கும் அளவு மட்டுமே தண்ணீர் ஊற்றிட வேண்டும்.
வெல்லம் கரைந்து பாகம் திரளும் நேரம் ஒரு மேஜைக்கரண்டி நெய்யினை அதில் ஊற்றி கிளறியபடி இருந்தால் பாகம் சட்டென சேர்ந்து கொள்ளும்.
தேன் போன்ற பாகம் வந்ததும் அடுப்பை தணித்து வைத்து சிறிது சிறிதாக வெந்த சாதம் பருப்பினை இதில் சேர்த்து கிளறிடவேண்டும். இல்லாவிடில் அடியில் பிடிக்க வாய்ப்புண்டு.
பக்க அடுப்பில் சிறிய வாணலி ஒன்றினை வைத்து 2 மேஜைக்கரண்டி நெய் விட்டு காய்ந்ததும் முதலில் முந்திரி இட்டு அது லேசாக சிவந்தபின்னர் உலர்ந்த த்ராக்ஷையினை இட வேண்டும். அது பூத்துகொண்டு வந்ததும் அடுப்பை அணைத்து சக்கரை பொங்கலில் தூக்கி கொட்டி விடலாம். கூடவே குங்குமப்பூவும் ஏலப்பொடியையும் கூட சேர்க்கவும். ஒரு துளி பச்சை கல்பூரம் சேர்த்தால் சக்கரை பொங்கல் மணமாக இருக்கும் சுவையும் கூடும். அதிகமாகிவிட்டால் பாழாகும். வெட்டி போடும் நகத்தின் அளவு மட்டுமே சேர்க்க வேண்டும்.
நன்றாக கிளறி சாதமும் வெல்லப்பாகமும் இணைபிரியாது கலந்து சேருபோல வரும் போது அடுப்பை அணைத்து இறக்கி விடலாம்.

சர்க்கரை பொங்கல் – 6

தேவையான பொருட்கள்:

  1. பச்சரிசி: 1உழக்கு
  2. பயத்தம் பருப்பு: ஒரு டேபிள் ஸ்பூன்
  3. வெல்லம்: 2உழக்கு
  4. நெய்: 75மிலி
  5. வறுத்த முந்திரி: 15
  6. உலர்ந்த திராட்சை: 15
  7. ஏலப்பொடி: சிறிதளவு
  8. பச்சை கற்பூரம்: 1சிட்டிகை
  9. குங்குமப்பூ: 1சிட்டிகை[விருப்பப்பட்டால்].
  10. பால்: 200மிலி
  11. தண்ணீர்: தேவையான அளவு.

செய்முறை:

தேவையான அளவு தண்ணீருடன் பாலை கொதிக்கவிடவும்.கொதிவந்தவுடன் அரிசியைப் போடவும்.சாதம் நன்கு குழைய வெந்தவுடன் ,வெல்லத்தைப் பொடித்து போடவும்.பின் ஏலக்காய் தூளுடன்,திராட்சையை நெய்யில் வறுத்து போடவும்.அடுத்து வறுத்த முந்திரி ,பச்சைக் கற்பூரம்,மீதமுள்ள நெய் அனைத்தையும் கொட்டி நன்றாக கலக்கவும்.

குறிப்பு: குக்கரில் வைத்தால் 1பங்கு அரிசிக்கு 4 பங்கு பால் /தண்ணீர் வைத்து,வெயிட் போட்டு 10 நிமிடத்தில் இறக்கிவிடலாம். வெல்லத்தை பொடித்து,தண்ணீர் விட்டு கொதிவந்தவுடன் வடிகட்டி,பாகாக காய்ச்சி,வேகவைத்த பொங்கலுடன் கலக்கவும்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

வெண் பொங்கல் Ven Pongal

வெண் பொங்கல்

வெண்பொங்கல் உண்மையில் ஒரு சமச்சீரான சத்துகள் நிறைந்த உணவாகும்.. வெண் பொங்கலுக்கான லட்சணம் என்னவென்றால் அரிசி எப்போதும் விறைப்பாக இல்லாமலும் மிகக் குழைவாக இல்லாமலும் வெந்திருக்க வேண்டும்.! வெண்பொங்கலுக்கான சரியான இணை இன்றுவரை சாம்பார் மட்டுமே.. இரண்டாமிடம் தேங்காய் சட்னிக்கு.. வெண்பொங்கலுக்கு சூடான மொறு மொறுப்பான மெதுவடை சிறந்த சைடிஷ்.. பொங்கலை அள்ளிச் சாப்பிடும் ஒவ்வொரு முறையும் மிளகும் முந்திரியும் இருக்கும்படி இருந்தால் திவ்யம்.. முந்திரியை தனியே வறுத்து பொங்கலில் சேர்ப்பதே சரி! தமிழக கோவில்களில் அதிகம் தரப்படும் சூப்பர் ஸ்டார் பிரசாதம் வெண் பொங்கல் தான்.!

வெண் பொங்கல் 1

தேவையான பொருட்கள்

  1. பொன்னி அரிசி – கால்கிலோ
  2. பாசிப்பருப்பு பருப்பு – 100 கிராம்
  3. இஞ்சி நறுக்கியது – 2 டீ ஸ்பூன்
  4. பெருங்காயத்தூள் – ஒரு சிட்டிகை
  5. சீரகம் – 1 டீ ஸ்பூன்
  6. மிளகு – 1 டீ ஸ்பூன்
  7. நெய் – 1 டேபிள் ஸ்பூன்
  8. கறிவேப்பிலை – சிறிது
  9. முந்திரிப்பருப்பு – 10
  10. உப்பு – தேவைக்கேற்ப

வெண்பொங்கல் செய்முறை

அரிசி, பாசிப்பருப்பு இரண்டையும் ஒன்றாக சேர்த்து 20 நிமிடம் ஊறவைக்கவும். நன்றாகக் கழுவி விட்டு மூன்று மடங்கு தண்ணீரைச் சேர்க்கவும். அத்துடன் நறுக்கிய இஞ்சி, பூண்டு, உப்பு, பெருங்காயத்தூளையும் சேர்த்து, குக்கரில் வைத்து 3 முதல் 4 விசில் வரும் வரை குழைய வேகவிடவும். குக்கரின் ஆவி அடங்கியதும், மூடியைத் திறந்து, ஒரு கரண்டியால் நன்றாக மசித்து விடவும்.

ஒரு சிறு வாணலியில் நெய்யை விட்டு சூடானதும், முந்திரிப் பருப்பு, பொடித்த மிளகு, சீரகம், கறிவேப்பிலை, சேர்த்து வதக்கி, மசித்து வைத்துள்ளப் பொங்கலில் கொட்டவும். நன்றாக கிளறினால் சுவையான பொங்கல் தயார்.

வெண் பொங்கல் 2

உதிரிப் பொங்கல்

அடுப்பில் குக்கரை வைத்து காய்ந்த உடன் நெய் ஊற்றவும். காய்ந்த உடன் முந்திரி, நறுக்கிய இஞ்சி, பூண்டு, கறிவேப்பிலை, பொடித்த மிளகு, சீரகம் சேர்த்து தாளிக்கவும். அரிசிக்கு ஏற்ப மூன்று மடங்கு தண்ணீர் விடவும். ஊறவைத்த அரிசி, பருப்பை போட்டு தேவையான அளவு உப்பு போடவும். ஒரு சிட்டிகை மஞ்சள் தூள் போடவும். குக்கரை மூடி விசில் போடாமல் கொதிக்க விடவும். அடுப்பை சிம்மில் வைத்து விசில் போட்டு பதினைந்து நிமிடம் வைக்கவும். பொங்கல் நன்றாக வெந்து உதிரி உதிரியாக இருக்கும். மேலே இரண்டு ஸ்பூன் நெய் விட்டு கிளறவும். சுவையான வெண் பொங்கல் தயார். சாம்பார், சட்னி போட்டு பரிமாறலாம்.

வெண் பொங்கல் 3

தேவையானவை

  1. பச்சரிசி – 4 கப்
  2. பயத்தம்பருப்பு – 1 கப்
  3. மிளகு – 1 டேபிள்ஸ்பூன்
  4. சீரகம் – 2 டேபிள்ஸ்பூன்
  5. இஞ்சி – 1 டேபிள்ஸ்பூன் (பொடியாக நறுக்கியது)

செய்முறை

அரிசியைக் களைந்து நிழலில் காயவைத்து ஒன்றும் பாதியுமாக mixie அரைக்கவும்.
வாணலியில் பயத்தம்பருப்பை வாசனை வரும் வரை வறுக்கவும்.
பிறகு மிளகு, சீரகம் காய்ந்த இஞ்சி சேர்த்து வறுக்கவும்.
உடைத்த பச்சரிசி ரவையுடன் வறுத்த அனைத்தையும் சேர்த்து மிக்ஸியில் ஒரு சுற்று சுற்றி பொடித்துக் கொள்ளவும்.
ஒரு குக்கரில் நெய் ஊற்றி இந்தப் பொடியை போட்டு நன்றாக வதக்கவும்.
ஒரு கப் பொடிக்கு 4 கப் தண்ணீர் சேர்த்து, உப்புப் போட்டு குக்கரில் மூன்று விசில்
வந்ததும், அடுப்பை சிம்மில் வைத்து 5 நிமிடம் கழித்து எடுக்கவும்.

ஹோட்டல் ருசியில் வெண்பொங்கல் தயார். இந்த பொடியை அரைத்து fridgeல் வைத்து கொண்டு, தேவையான பொது பொங்கல் செய்யலாம்.

வெண் பொங்கல் 4

  1. பச்சரிசி – 1 கப்
  2. பாசிப்பருப்பு – 1/2 கப்
  3. தண்ணீர் – 5 கப்
  4. இஞ்சி – 1 இன்ச்
  5. மிளகு – 1 1/2 டீஸ்பூன்
  6. சீரகம் – 1 1/2 டீஸ்பூன்
  7. கறிவேப்பிலை – சிறிது
  8. எண்ணெய் – 1/4 கப்
  9. நெய் – 2 1/2 டேபிள் ஸ்பூன்
  10. உப்பு – தேவையான பொருட்கள்
  11. முந்திரி – 5-7

செய்முறை:
முதலில் ஒரு வாணலியை அடுப்பில் வைத்து, அதில் பச்சரிசி மற்றும் பாசிப்பருப்பை தனித்தனியாக பொன்னிறமாக வறுத்து தனியாக வைத்துக் கொள்ள வேண்டும்.
பின்னர் அதனை நன்கு கழுவி, குக்கரில் ஒன்றாக சேர்த்து 5 கப் தண்ணீர் ஊற்றி, தேவையான அளவு உப்பு மற்றும் 1 டீஸ்பூன் எண்ணெய் சேர்த்து, 3-4 விசில் விட்டு இறக்கி, லேசாக மசித்து தனியாக வைத்துக் கொள்ள வேண்டும்.
அடுத்து முந்திரியை சிறிது நெய் ஊற்றி வறுத்து தனியாக வைத்துக் கொள்ள வேண்டும்.
பின் மிளகு மற்றும் சீரகத்தை ஒன்றிரண்டாக அரைத்து தனியாக வைத்துக் கொள்ளவும்.
பிறகு ஒரு வாணலியை அடுப்பில் வைத்து, அதில் நெய் மற்றும் எண்ணெய் ஊற்றி காய்ந்ததும், சீரகம், மிளகு சேர்த்த தாளித்து, பின் அதில் இஞ்சி, கறிவேப்பிலை சேர்த்து சிறிது நேரம் வதக்க வேண்டும்.
பின்பு அத்துடன் மசித்து வைத்துள்ள சாதத்தை சேர்த்து நன்கு கிளறி விட்டு, பின் அதில் முந்திரியை சேர்த்து நன்கு கிளறி இறக்கினால், வெண் பொங்கல் ரெடி!!! இதனை சாம்பார் மற்றும் தேங்காய் சட்னியுடன் சாப்பிட்டால் அருமையாக இருக்கும்.

பொங்கலுக்கு மேலும் சுவையை கூட்டுவது சாம்பார் தான்.

பொங்கல் ஸ்பெஷல் சாம்பர்

தேவையான பொருள்கள்

கேரட் – 2
கத்தரிக்காய் – 1
அவரைக்காய் – 5
உருளைக்கிழங்கு – 1
குடை மிளகாய் – 1
தக்காளி – 1
துவரம் பருப்பு – 1 கப்
மஞ்சள் தூள் – கால் ஸ்பூன்
பெருங்காயத் தூள் – சிறிதளவு
உப்பு – தேவையான அளவு
கறிவேப்பிலை – சிறிதளவு
புளி – சிறிய எலுமிச்சை அளவு
வெந்தயம் – கால் ஸ்பூன்
காய்ந்த மிளகாய் – 3
பச்சை மிளகாய் – 1
கடுகு, உளுத்தம் பருப்பு – தாளிக்க
சாம்பார் தூள் – 2 ஸ்பூன்
கொத்தமல்லி – 1 ஸ்பூன்
எண்ணெய் – 3 ஸ்பூன்

கடலைப் பருப்பு – 2 ஸ்பூன், காய்ந்த மிளகாய் – 2 , தனியா – 3 ஸ்பூன் ஆகியவை வறுத்து அரைக்க தனியாக எடுத்து கொள்ளவும்.

செய்முறை:

குக்கரில் துவரம்பருப்புடன் உப்பு, மஞ்சள் தூள் சேர்த்து பருப்பை குழைய வேக வைத்து மசித்து பின் எடுக்கவும். புளியைக் கரைத்து தனியாக வைக்கவும். வறுத்து, பொடிக்க வேண்டியதை பொடித்து வைக்கவும்.

வாணலில் எண்ணெய் விட்டு கடுகு, உளுத்தம் பருப்பு போட்டு தாளித்து, வெந்தயம், பச்சை மிளகாய், காய்ந்த மிளகாய், பெருங்காயத் தூள், கறிவேப்பிலை சேர்த்து நன்கு வதக்கவும்.

அத்துடன் காய்கறிகளைச் சேர்த்து நன்றாக வதக்கவும். பின் உப்பைப் புளிக்கரைசலில் சேர்த்துக் கொட்டி கொதிக்க விடவும். கொதிக்கும் போது சாம்பார் தூளை சேர்க்கவும்.

புளியின் பச்சை வாசனை போனவுடன், பருப்பை சேர்த்து ஒரு கொதி விடவும். இறக்கி வைக்கும் முன் கொத்த மல்லி இலை சேர்த்து இறக்கவும் . சுவையான சாம்பார் ரெடி.

தேங்காய் சட்னி

இட்லி, தோசை மற்றும் பொங்கல் என அனைத்து டிபன் வகைகளுக்கும் சிறந்த தேர்வு என்றால் அது கண்டிப்பாக தேங்காய் சட்னி தான். அந்த அளவிற்கு அது காலை டிபனில் இடம் பிடித்து விட்டது. இதனை எளிமையாக செய்வது எப்படி?

தேங்காய் சட்னி செய்ய தேவையான பொருட்கள்:

துருவிய தேங்காய் – 1 கப்
பொட்டுக்கடலை – 3 டேபிள் ஸ்பூன்
இஞ்சி – 1 துண்டு
பச்சைமிளகாய் – 3
உப்பு – தேவையான அளவு
எண்ணெய் – சிறிதளவு
கடுகு – சிறிதளவு
உளுந்தம்பருப்பு – சிறிதளவு
காய்ந்தமிளகாய் – 2
கருவேப்பிலை – சிறிதளவு

தேங்காய் சட்னி செய்முறை:

முதலில் ஒரு மிக்சி ஜாரில் துருவிய தேங்காய், பொட்டுக்கடலை, இஞ்சி மற்றும் பச்சைமிளகாய் சேர்த்து உப்பு மற்றும் தண்ணீர் ஊற்றி அதனை நன்றாக அரைத்து வேறொரு கின்னத்தில் மாற்றி வைத்துக்கொள்ளவும்.

பிறகு ஒரு வாணலியில் எண்ணெய் ஊற்றி அதனுடன் கடுகு, உளுந்தம்பருப்பு, காய்ந்த மிளகாய் மற்றும் கருவேப்பிலை சேர்த்து தாளிக்கவும். பிறகு தாளித்தவற்றை நாம் ஏற்கனவே அரைத்து வைத்துள்ள சட்னியில் சேர்த்து நன்றாக கலந்தால் சுவையான தேங்காய் சட்னி தயார்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

கரும்பு சாறு – ஒரு சில சிறந்த ஆரோக்கியமான பயன்கள்

கரும்பு சாறு – ஒரு சில சிறந்த ஆரோக்கியமான பயன்கள்

கரும்பின் சாறு, பிரித்தெடுக்கும்போது, பதினைந்து விழுக்காடு மூல சர்க்கரைகளை மட்டுமே கொண்டுள்ளது – இது உங்கள் வழக்கமான பழச்சாறுகள் அல்லது soft drinks சிலவற்றை விட குறைவாகும். சாற்றில் கால்சியம், தாமிரம், மெக்னீசியம், மாங்கனீசு, துத்தநாகம், இரும்பு மற்றும் பொட்டாசியம் போன்ற முக்கிய தாதுக்களும் உள்ளன. இது வைட்டமின் ஏ, பி 1, பி 2, பி 3 மற்றும் சி ஆகியவற்றின் வளமான மூலமாகும். இது குறைந்த கிளைசெமிக் குறியீட்டை (ஜிஐ) கொண்டுள்ளது என்று கூறப்படுகிறது, ஆகவே, நீரிழிவு நோயாளிகளுக்கு இது மிகவும் பரிந்துரைக்கப்படுகிறது. கரும்பில் வைட்டமின் மற்றும் கனிமச்சத்துக்கள் அதிகம் உள்ளது. அதிலும் பாஸ்பரஸ், இரும்புச்சத்து, பொட்டாசியம், கால்சியம் மற்றும் மக்னீசியம் போன்றவை அதிக அளவில் இருப்பதால், உடலில் எந்த ஒரு ஊட்டச்சத்து குறைபாடுமின்றி, உடலை ஆரோக்கியமாக வைத்துக் கொள்ளலாம்

இது தொற்றுநோய்களை குணப்படுத்த உதவுவதோடு, நோய் எதிர்ப்பு சக்தியை அதிகரிக்கவும் உதவுகிறது. இரும்பு, மக்னீசியம், கால்சியம் மற்றும் பிற சத்துக்கள் நிறைந்திருக்கும், எனவே இது நீரிழப்புக்கு நல்லது. இது பொதுவான சளி மற்றும் பல தொற்று நோய்களை குணப்படுத்த உதவுகிறது. மற்றும் இது உடலின் புரத அளவுகளை அதிகரிக்கும்போது காய்ச்சலைக் கையாளுகிறது. குடல் இயக்கம் செல்வது மிகவும் நல்லது, மேலும் அதிக காரத்தன்மை கொண்டது.
.
உடலில் உள்ள சிறுநீரக குழாய், பிறப்புறுப்பு, செரிமான மண்டலக் குழாய் போன்ற பல இடங்களில் தொற்றுநோய்களினால் எரிச்சல், அரிப்பு போன்றவை ஏற்படும். இத்தகையவற்றை சரிசெய்ய ஒரு டம்ளர் கரும்பு சாறு குடித்தால், அவை சரியாகிவிடும். கரும்பில் இயற்கையாக உள்ள அல்கலைன் என்னும் பொருள், புற்றுநோயை குணப்படுத்தும் தன்மையுடையது. குறிப்பாக பெருங்குடல், நுரையீரல் அல்லது மார்பக புற்றுநோய் போன்றவற்றிற்கு சிறந்தது.

கரும்பு சாற்றில் ஒரு சில சிறந்த ஆரோக்கியமான பயன்கள் .

இதயம்: தினமும் இரண்டு முறை மலம் கழிக்க வேண்டியது அவசியம். அப்படி இல்லாதவர்களுக்கு மலச்சிக்கல் பிரச்சனை உள்ளது என்று அர்த்தம். இந்த கரும்பு சாறு அருந்துவதன் மூலம், இதயம் மற்றும் நுரையீரலுக்கு பலம் அளிக்கிறது. வயிற்று புண்களை சரி செய்யும். மலச்சிக்கலை சரிசெய்கிறது.

உடலில் இருந்து நச்சுக்களை நீக்குகிறது: கரும்பு சாறு தீங்கு விளைவிக்கும் நச்சுகள் மற்றும் பிற தேவையில்லாத கூறுகளை நீக்கி, உடலை தூய்மைப் படுத்துவதில் உதவுகிறது. உடலில் உள்ள நச்சுத்தன்மை நீங்குவதால் படிப்படியாக உங்கள் உடல் எடை குறைய வழிவகுக்கிறது.

உடல் எரிச்சல்: உடல் எரிச்சல் என்பது மிகவும் கொடுமையான ஒன்றாகும். இதற்கு கரும்பு சாறுடன் தயிர் சேர்த்து சாப்பிடுவதன் மூலம் உடலில் ஏற்படும் எரிச்சலை சரிசெய்யலாம். உடலுக்கு குளிர்ச்சியை அளிக்கிறது.

உடனடி ஆற்றல்: கரும்பு சாறு என்பது உடனடி ஆற்றலிற்க்கு ஒரு சிறந்த ஆதாரமாகும். நீங்கள் மிகவும் தாகமாக இருந்தால் கரும்பு சாறு அருந்தும் போது அது உங்களுக்கு புத்துயிர் அளித்து உங்கள் மன நிலையை புதுப்பிக்கிறது.

உற்சாக பானம்: உடற் சோர்வு நீங்க என்னென்னவோ உணவுகள், பானங்களை மக்கள் பலர் அருந்துகின்றனர். அதிக வெப்பத்தால் உடல் களைப்படைந்து விடுபவர்கள் உடனடியாக புத்துணர்ச்சி பெறுவதற்கு அருந்தவேண்டிய பானம் கரும்பு ஜூஸ் ஆகும். கரும்பு ஜூஸில் சர்க்கரை சத்துக்கள் அதிகம் இருக்கின்றன. இவை உடலில் சென்று ரத்தத்தில் இழந்த சக்கரை சத்துக்களை ஈடு கட்டி, உடல் உடனடியாக சுறுசுறுப்பு, உற்சாகம் அடைய உதவுகிறது. விளையாட்டு வீரர்கள், கடுமையான உடல் உழைப்பு கொண்டவர்கள் தினந்தோறும் காலை அல்லது மதிய வேளையில் கரும்பு ஜூஸ் அருந்தி வந்தால் நாள் முழுவதும் உற்சாகமாக வேலை செய்வதற்கான ஆற்றல் கிடைக்கிறது.

எடை குறைப்பு: இது இனிப்பு என்றாலும், கரும்பு சாறு ஒரு சில கூடுதல் கிலோவை எடுப்பதற்கு உதவுகிறது. கரும்பு சாறு நம் உடலில் உள்ள கெட்ட கொழுப்பைக் குறைப்பதாக அறியப்படுகிறது, இது எடை அதிகரிப்பிற்கு முக்கிய காரணம். நம் எடையை நிர்வகிக்க உதவும் வகையில் இதுவும் ஒன்றாகும்.

கரும்பின் வேர்: கரும்பு வேரை நாட்டு சர்க்கரை சேர்த்து கொதிக்க வைத்து சாப்பிடுவதன் மூலம் சிறுநீரகத்தில் ஏற்படும் எரிச்சலை சரி செய்யலாம்.

கர்ப்பிணி பெண்கள்: கருவுற்றிருக்கும் பெண்கள் அடிக்கடி அருந்த வேண்டிய சிறந்த பானமாக கரும்பு ஜூஸ் மருத்துவர்களால் பரிந்துரைக்கப்படுகிறது. இதில் போலிக் அமிலம் மற்றும் வைட்டமின் பி 9 சத்துகள் அதிகம் இருப்பதால், இவை குழந்தை குறைபாடுகளோடு பிறக்கும் நிலையை தடுக்கிறது. மேலும் பெண்கள் கரும்பு ஜூஸை அடிக்கடி பருகி வந்தால், அவர்களின் கருப்பையில் கரு முட்டைகளை உற்பத்தி அதிகரித்து விரைவில் அப்பெண்கள் கருவுற உதவுவதாக மருத்துவ ஆய்வுகள் தெரிவிக்கின்றன.

குழந்தைகளின் நோய் நீங்க: பெப்ரில் குறைபாடுகள் என்பது வளரும் குழந்தைகளுக்கு அதிகம் ஏற்படும் ஒரு குறைபாடாக இருக்கிறது. இக் குறைபாடு ஏற்பட்ட குழந்தைகள் அடிக்கடி அதிக உடல் உஷ்ணத்தை உண்டாக்கும் ஜூர நோய்களால் பாதிக்கப் படுவதும், அதனால் அவர்களின் உடலில் புரதச்சத்து இழப்பு அதிகரித்து, உடலை மிகவும் வலுவிழக்கச் செய்யக்கூடியதாகும். இத்தகைய குறைபாட்டிற்கு சிறந்த இயற்கை மருந்தாக கரும்பு ஜூஸ் இருக்கிறது. கரும்பு ஜூஸ் சிறு குழந்தைகள் அடிக்கடி பருகுவதற்கு கொடுத்து வந்தால், மேற்கூறிய இந்த பெப்ரில் குறைபாடு ஏற்படாமல் தடுக்கலாம்.

குளுக்கோஸ் சத்து: நமது உடலில் தசைகளிலே அதிக பலம் இருக்கின்றன. தசைகள் எப்போதும் வலுப்பெற்றிருக்க உடலில் குளுக்கோஸ் சத்து சரியான விகிதத்தில் இருக்க வேண்டும். குளுக்கோஸ் சத்து குறையும் போது தசைகள் தளர்வடைந்து, உடல் பலவீனம் அடைகிறது. தினமும் காலை அல்லது மதிய வேளைகளில் கரும்புச் சாறு அருந்துவதால் உடலில் குளுக்கோஸ் அதிகம் கிடைத்து, தசைகள் வலுவடைந்து, நீண்ட நேரம் உடல் உழைக்கக்கூடிய பலத்தைத் தருகிறது.

சிறுநீரக தொற்று நோய்கள் குணமாக: சிறுநீரகம் சார்ந்த உறுப்புகளின் சுகாதாரத்தை முறையாக பேணாமல் இருந்தால் சிறுநீரக தொற்று வியாதிகள் உண்டாகின்றன. இந்த நோய் ஏற்பட்டவர்கள் மிகுந்த துன்பத்திற்கு உள்ளாகின்றனர். தினமும் இருவேளை கரும்புச் சாறில் சிறிது எலுமிச்சை சாறு கலந்து அருந்தி வந்தால் எத்தகைய சிறுநீரக தொற்று வியாதிகளும் வெகு விரைவில் குணமாக உதவும். மேலும் கரும்புச் சாறில் புரதச் சத்துக்கள் அதிகம் உள்ளன. இவை சிறுநீரகக் கற்கள் ஏற்படாமல் தடுக்கிறது. அத்தோடு சிறுநீரகத் தொற்று வியாதி, பிராஸ்டிரேட் சுரப்பிகளின் வீக்கம், பால்வினை நோய்கள் போன்றவை ஏற்படாமலும் காக்கிறது.

செரிமான திறன் மேம்பட: பலருக்கும் சாப்பிட்ட உணவு முழுமையாக செரிமானம் அடையாமல் போவதற்கு காரணம் அவர்களின் வயிற்றினுள்ளே செரிமான அமிலங்களின் சுரப்பில் ஏற்படும் ஏற்றத்தாழ்வுகள் மற்றும் குறைபாடுகள் ஆகும். கரும்பு ஜூஸ் அடிக்கடி பருகுபவர்களுக்கு வயிறு மற்றும் குடல் சுத்தமாகிறது. மேலும் வயிற்றில் உணவு செரிமானத்துக்கு உதவும் அமிலங்களின் சுரப்பை அதிகப்படுத்தும். அதன் வேதியியல் சமச்சீர் தன்மையையும் சரியான விகிதத்தில் வைக்கிறது. எனவே செரிமானத் திறன் மேம்பட விரும்புவார்கள் தினமும் ஒரு வேளை கரும்பு ஜூஸ் அருந்துவது நல்லது.

தொண்டை புண்: உங்கள் தொண்டைக்குள் திடீர் அரிப்பு அல்லது எரிச்சலை நீங்கள் உணர்ந்தால், கரும்பு சாற்றை ஒரு குவளையும் சுண்ணாம்பு மற்றும் கருப்பு உப்பு ஒரு குவளையுடன் குடிக்க வேண்டும். வைட்டமின் சி மிகுதியாக கரும்பு சாறுகளில் காணப்படுகிறது, இது தொண்டை புண் குணமாக உதவுகிறது. கரும்பு சாறு என்பது வைரஸ்கள் அல்லது பாக்டீரியா நோய்த்தொற்றுகளை தடுக்கக்கூடிய எதிர்ப்பொருட்களின் ஒரு வளமான மூலமாகும்.

தோல் பளபளப்பு: தங்களுக்கு வயதான முக தோற்றம் ஏற்படுவதை விரும்புபவர்கள் யாருமே இல்லை. வயது ஏற, ஏற உடலில் இருக்கும் செல்களின் வளர்ச்சி குறைந்து, முதுமைத் தோற்றம் ஏற்படவே செய்வதை தடுக்க முடியாது. எப்போதும் இளமை தோற்றத்துடன் இருக்க விரும்புபவர்கள் கரும்பு ஜூஸ் பருகுவது சிறந்த பலன்களைத் தருகிறது. இதிலிருக்கும் ஆன்ட்டி – ஆக்ஸிடென்ட்ஸ், பிளேவனாயிட்ஸ், பினோலிக் கூட்டுப்பொருட்கள் சருமத்தில் ஈரப்பதத்தை தன்மையை கூட்டுகிறது. தோலில் ஒரு பளபளப்பு தன்மையை கொடுத்து உடலுக்கு இளமைத் தோற்றத்தைத் தருகிறது.

நச்சுத்தன்மை நீங்க: நாம் சாப்பிடுகின்ற உணவுகள், அருந்தும் நீர், சுவாசிக்கும் காற்று இவை அனைத்துமே மாசுபட்டிருக்கிறது. இந்த மாசுகள் நமது உடலில் அதிக அளவு சேர்கிறது. கரும்பு ஜூஸ் மாசுகளையும், நச்சுத்தன்மையை நீக்கி உடலுக்கு புத்துணர்ச்சியை தரும் ஆற்றல் கொண்டதாகும். தினமும் காலையில் கரும்பு ஜூஸ் அருந்துபவர்களுக்கு உடலில் நச்சுத்தன்மை வருவது தடுக்கப்படுவதோடு, ஏற்கனவே இருக்கின்றன நச்சுகள் அனைத்தும் வியர்வை சிறுநீர் வழியாக வெளியேறி, உடலை தூய்மைப்படுத்துகிறது. வளர்ச்சிதை மாற்றத் திறனை அதிகப்படுத்தி அதீத உடல் எடையையும் குறைக்கிறது.

நோய் எதிர்ப்பு திறன் வலுப்பெற: நமது உடலில் மற்ற விடயங்கள் போன்று நோய் எதிர்ப்பு சக்தி மிக வலுவாக இருப்பது அவசியம். கரும்புச்சாறு பருகுபவர்களுக்கு நோய் எதிர்ப்பு சக்தி பலம் பெறுகிறது. இதில் நிறைந்திருக்கும் ஆன்டி-ஆக்ஸிடன்ட்கள் ரத்தத்தில் கலந்து நிணநீர் சுரப்பிகளில் வெளிப்படுத்தி, உடலை எளிதில் தாக்கக்கூடிய தொற்று வியாதிகள், சுரங்கள் போன்றவற்றை தடுப்பதில் சிறப்பாக செயல்படுகிறது. மேலும் நமது கல்லீரல் மற்றும் செரிமான உறுப்புகளையும் பலப்படுத்துகிறது. அந்த உறுப்புகள் ஆரோக்கியமாக இயங்கச் செய்கிறது. கல்லீரல் சுரக்கின்ற பைலிரூபின் வேதிப்பொருளின் சமசீர் தன்மையை காக்கிறது.

பல் சிதைவு : கரும்பு, கால்சியம் மற்றும் பாஸ்பரஸ் போன்ற கனிமங்களை கொண்டிருக்கிறது, இது உங்கள் பற்களின் பற்சிப்பியை உருவாக்க உதவுகிறது. மேலும் இது பற்சிதைவை தடுத்து உங்கள் பற்கள் வலுவடைய உதவுகிறது.

பற்சொத்தை நீங்க: பொதுவாகவே பற்களில் சொத்தை ஏற்பட்டவர்கள், சுகாதாரத்தை முறையாக பேணாதவர்களுக்கு வாய் துர்நாற்றம் ஏற்படுவது தவிர்க்க முடியாததாகிறது. உணவில் ஊட்டச்சத்து குறைபாடு இருந்தாலும் இந்த வாய் துர்நாற்றம் உண்டாவதாக ஆய்வுகள் தெரிவிக்கின்றன. இதற்கு சிறந்த இயற்கை தீர்வாக கரும்பு ஜூஸ் இருக்கிறது. கரும்பு பயிரில் நிறைந்திருக்கும் கால்சியம் மற்றும் பாஸ்பரஸ் சத்து பற்களின் எனாமலை வலுப்படுத்துகிறது. பற்சொத்தை போன்றவை ஏற்படாமல் பற்களையும் ஈறுகளையும் பாதுகாக்கிறது. வாய் துர்நாற்றத்தையும் போக்குகிறது.

புண்கள் ஆற: குழந்தைகளுக்கு அடிக்கடி விளையாடும் போது கீழே விழுவதன் காரணமாக புண்கள் உண்டாகும். இதற்கு கரும்பை நசுக்கி புண் இருக்கும் இடங்களில் கட்டி வைப்பதன் மூலம் விரைவில் குணமாக்கலாம்.

மஞ்சள் காமாலை தீர்வு: கரும்பு சாறு ஒரு சிறந்த போதைப்பொருள், பித்த அளவை சமநிலைப்படுத்துகிறது மற்றும் பெரும்பாலும் மஞ்சள் காமாலை மருந்தாக பரிந்துரைக்கப்படுகிறது என்று ஆயுர்வேத கோட்பாடுகள் தெரிவிக்கின்றன. அது என்னவென்றால், உங்கள் உடலை இழந்த புரதங்கள் மற்றும் விரைவாக மீட்க வேண்டிய ஊட்டச்சத்துக்களால் உங்கள் உடலை நிரப்புகிறது. கரும்பு சாற்றில் மஞ்சள் காமாலையை குணப்படுத்தும் மருத்துவப் பொருள் நிறைந்துள்ளது. பொதுவாக மஞ்சள் காமாலை வந்தால், சருமம் மஞ்சள் நிறத்தில் காணப்படும் இதற்கு காரணம், பிலிரூபின் இரத்தத்தில் கலந்திருப்பதே ஆகும். இதற்கு இரண்டு டம்ளர் கரும்பு சாற்றுடன் எலுமிச்சை மற்றும் உப்பு சேர்த்து குடிக்க வேண்டும்.

மூளைக்கு: நமது உடலில் அனைத்து இயக்கங்களையும் மூளை நிர்வகிக்கிறது. இந்த கரும்புச் சாறை அருந்துவதன் மூலமாக மூளையின் செயல்பாட்டை அதிகரித்து சுறுசுறுப்பாக வைத்துக் கொள்ள இது உதவுகிறது.

வாய் துர்நாற்றம்: வாய் துர்நாற்றம் இருப்பது சமூகத்தில் நம்மை தாழ்த்தி விடுகிறது. உங்களுக்கு வாய் துர்நாற்றம் அதிகம் இருக்கும் பச்சத்தில், நீங்கள் கரும்பு சாற்றை ஒரு தீர்வு தரும் பானமாக கருதி கொள்ள வேண்டும்.

கரும்பு ஜூஸ் – ஒரு சில சிறந்த ஆரோக்கியமான பயன்கள்

  1. கரும்பு சாறு: ஊட்டச்சத்துக்கள் நிரம்பியுள்ளன
  2. கரும்பு சாறு: மஞ்சள் காமாலை குணப்படுத்தும்
  3. கரும்பு சாறு: ஒருவரை இளமையாக வைத்திருக்கிறது
  4. கரும்பு சாறு: புற்றுநோயை எதிர்த்துப் போராடுகிறது.
  5. கரும்பு சாறு: டி.என்.ஏ சேதத்தைத் தடுக்கிறது, உடல் உறுப்புகளை பலப்படுத்துகிறது
  6. கரும்பு சாறு: காயங்களை குணப்படுத்துகிறது, தொண்டை புண் சிகிச்சை அளிக்கிறது
  7. கரும்பு சாறு: பாதுகாப்பான கர்ப்பத்திற்கு உதவுகிறது
  8. கரும்பு சாறு: வீட்டில் முயற்சி செய்ய வேண்டிய சமையல் வகைகள்
  9. கரும்பு சாறு: ஊட்டச்சத்துக்கள் நிரம்பியுள்ளது

கோடைகாலத்தில் உடலானது அதிக சூடாக இருக்கும். எனவே உடல் வெப்பத்தை தணிப்பதற்கு தினமும் ஒரு டம்ளர் குடிப்பது நல்லது.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

Medical Articles and Medical Tips are for information and knowledge purpose only.
If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. It is always advised to consult a doctor or to do a patch test before using them to avoid allergic reactions.We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, tips from this site.
The content and the information in this website are for informational and educational purposes only, not as a medical manual. All readers are urged to consult with a physician before beginning or discontinuing use of any prescription drug or under taking any form of self-treatment. The information given here is designed to help you make informed decisions about your health. It is not intended as a substitute for any treatment that may have been prescribed by your doctor. If you are under treatment for any health problem, you should check with your doctor before trying any home remedies.

கணவன் மனைவி உறவு என்றும் இனிக்க நாம் என்ன செய்ய வேண்டும்?

கணவன் மனைவி உறவு என்றும் இனிக்க
நாம் என்ன செய்ய வேண்டும்?
படித்ததில் பிடித்தது பகிர்ந்தேன்

குடும்ப மகிழ்ச்சிக்கு எது தேவை?

  1. வருமானம்
  2. ஒத்துழைப்பு
  3. மனித நேயம்
  4. பொழுதுபோக்கு
  5. ரசனை
  6. ஆரோக்கியம்
  7. மனப்பக்குவம்
  8. சேமிப்பு
  9. கூட்டு முயற்சி
    10.குழந்தைகள்

கணவனிடம் மனைவி எதிர்பார்ப்பது என்ன?

  1. அன்பாக , பிரியமாக இருக்க வேண்டும்.
  2. மனது புண்படும்படி பேசக் கூடாது.
  3. கோபப்படக்கூடாது.
  4. சாப்பாட்டில் குறை சொல்லக் கூடாது
  5. பலர் முன் திட்டக்கூடாது.
  6. எந்த இடத்திலும் மனைவியை விட்டுக் கொடுக்க கூடாது.
  7. முக்கிய விழாக்களுக்கு சேர்ந்து போக வேண்டும்.
  8. மனைவியிடம் கலந்து ஆலோசிக்க வேண்டும்.
  9. சொல்வதைப் பொறுமையாகக் கேட்க வேண்டும்
  10. மனைவியின் கருத்தை ஆதரிக்க வேண்டும், மதிக்க வேண்டும்.
  11. வித்தியாசமாக ஏதாவது செய்தால் ரசிக்க வெண்டும். பாராட்ட வேண்டும்.
  12. பணம் மட்டும் குறிக்கோள் அல்ல. குழந்தை, குடும்பம் இவற்றிற்கும் உரிய முக்கியத்துவம் தந்து நடந்து கொள்ள வேண்டும்.
  13. வாரம் ஒரு முறையாவது. மனம் விட்டுப் பேச வேண்டும்.
  14. மாதம் ஒரு முறையாவது வெளியில் அழைத்துச் செல்ல வேண்டும்.
  15. ஆண்டுக்கு ஒரு முறையாவது சுற்றுலா செல்ல வேண்டும்.
  16. பிள்ளைகளின் படிப்பைப் பற்றி அக்கறையுடன் கேட்க வேண்டும்.
  17. ஒளிவு மறைவு கூடாது.
  18. மனைவியை நம்ப வேண்டும்.
  19. முக்கியமானவற்றை மனைவியிடம் கூற வேண்டும்.
  20. மனைவியிடம் அடுத்த பெண்ணைப் பாராட்டக் கூடாது.
  21. அடுத்தவர் மனைவி அழகாக இருக்கிறாள் என்று எண்ணாமல் தனக்குக் கிடைத்ததை வைத்து சந்தோசப்பட வேண்டும்.
  22. தனக்கு இருக்கும் கஷ்டம் தன் மனைவிக்கும் இருக்கும் என்று எண்ண வேண்டும்.
  23. உடல் நலமில்லாத போது உடனிருந்து கவனிக்க வேண்டும்.
  24. சின்ன, சின்னத் தேவைகளை நிறைவு செய்ய வேண்டும்.
  25. சிறு சிறு உதவிகள் செய்ய வேண்டும்.
  26. குழந்தைகள் அசிங்கம் செய்து விட்டால் ‘இது உன் குழந்தை ‘ என்று ஒதுங்கக் கூடாது.
  27. அம்மாவிடம் காட்டும் பாசத்தை, மனைவியிடமும் காட்ட வேண்டும். ஏனென்றால் மனம் சலிக்காமல் அம்மாவை விட, அக்கா, தங்கையை விட அதிகமாக கவனிக்க கூடியவள் மனைவி.
  28. நேரத்திற்குச் சாப்பிட வேண்டும்.
  29. சாப்பாடு வேண்டுமென்றால் முன் கூட்டியே சொல்ல வேண்டும்.
  30. எங்கு சென்றாலும் மனைவியிடம் சொல்லி விட்டுச் சொல்ல வேண்டும்.
  31. சொன்ன நேரத்திற்கு வர வேண்டும்.
  32. எப்போதும் வீட்டு நினைப்பு வேண்டும்.
  33. மனைவியின் பிறந்த நாள் தெரிய வேண்டும்.
  34. மனைவிக்குப் பிடித்தவற்றைத் தெரிந்து வைத்திருக்க வேண்டும்.
  35. பொய், சூது, மது, மாது போன்ற தீய பழக்கங்கள் கூடாது.
  36. மனைவி வீட்டாரைக் குறை சொல்லக் கூடாது.
  37. கைச் செலவுக்கு பணம் தர வேண்டும்.

மனைவியிடம் கணவன் எதிர்பார்ப்பது என்ன?

  1. பள்ளி அலுவலக நேரம் தெரிந்து அதற்குமுன் தயாரித்தல்.
  2. காலையில் முன் எழுந்திருத்தல்.
  3. எப்போதும் சிரித்த முகம்.
  4. நேரம் பாராது உபசரித்தல்.
  5. மாமியாரை தாயாக மதிக்க வேண்டும்.
  6. கணவன் வீட்டாரிடையே அனுசரித்துப் போக வேண்டும்.
  7. எதற்கெடுத்தாலும் ஆண்களைக் குறை சொல்லக் கூடாது.
  8. அதிகாரம் பண்ணக் கூடாது.
  9. குடும்ப ஒற்றுமைக்கு உழைக்க வேண்டும். அண்ணன், தம்பி பிரிப்பு கூடாது.
  10. கணவன் குறைகளை வெளியே சொல்லக்கூடாது. அன்பால் திருத்த வேண்டும்.
  11. கணவனை சந்தேகப்படக் கூடாது.
  12. குடும்பச் சிக்கல்களை வெளியே சொல்லக் கூடாது.
  13. பக்கத்து வீடுகளில் அரட்டை அடிப்பதைக் குறைக்க வேண்டும்.
  14. வீட்டுக்கு வந்தவுடன், சாப்பிடும் போது சிக்கல்கள் குறித்துப் பேசக் கூடாது.
  15. கணவர் வழி உறவினர்களையும் நன்கு உபசரிக்க வேண்டும்.
  16. இருப்பதில் திருப்தி அடைய வேண்டும்.
  17. அளவுக்கு மீறிய ஆசை கூடாது.
  18. குழந்தை படிப்பில் கவனம் செலுத்த வேண்டும்.
  19. கொடுக்கும் பணத்தில் சீராகக் குடும்பம் நடத்த வேண்டும்.
  20. கணவரிடம் சொல்லாமல் கணவரின் சட்டைப் பையிலிருக்கும் பணத்தை எடுத்துக் கொள்ளக் கூடாது.
  21. தேவைகளை முன் கூட்டியே சொல்ல வேண்டும்.
  22. எதிர்காலத் திட்டங்களைச் சிந்திக்கும் போது ஒத்துழைக்க வேண்டும்.
  23. தினமும் நடந்ததை இரவில் சொல்ல வேண்டும்.
  24. தாய் வீட்டில் கணவரை குற்றம் சொன்னால் மறுத்துப் பேச வேண்டும்.
  25. அடக்கம், பணிவு தேவை. கணவர் விருப்பத்துக்கு ஏற்றாற் போல் ஆடை, அலங்காரம் செய்ய வேண்டும்.
  26. குழந்தையைக் கண்டிக்கும் போது எதிர்வாதம் கூடாது.
  27. சுவையாகச் சமைத்து, அன்புடன் பரிமாற வேண்டும்.
  28. கணவர் வீட்டுக்கு வரும் போது நல்ல தோற்றம் இருக்கும்படி வீட்டை அழகாக வைத்துக் கொள்ள வேண்டும்.
  29. பொது அறிவை வளர்த்துக் கொள்ள வேண்டும்.
  30. உரையாடலில் தெளிவாகப் பேசுவதுடன், பொருத்தமான முறையில் எடுத்துரைக்கும் விதமும் தெரிய வேண்டும்.
  31. தேவையற்றதை வாங்கிப் பண முடக்கம் செய்யக் கூடாது.
  32. உடம்பை சிலிம் ஆக வைத்துக் கொள்ள வேண்டும்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

குடும்பத்தில் மகிழ்ச்சி குறையக் காரணங்கள் எது?

குடும்பத்தில் மகிழ்ச்சி குறையக் காரணங்கள் எது?
படித்ததில் பிடித்தது பகிர்ந்தேன்

பொதுவாகக் கீழ்க்கண்ட சில காரணங்களால்தான் ஒரு குடும்பத்தில் மகிழ்ச்சி குறைகிறது. உங்கள் குடும்பத்தில் எந்தெந்த காரணங்கள் என்பதை உங்கள் குடும்பத்தில் உள்ள அனைவரும் தனித்தனியாக டிக் செய்து கண்டு பிடியுங்கள். பின்னர் அவற்றை நிவர்த்தி செய்ய முயற்சி மேற்கொள்ளுங்கள்.

காரணங்கள்

  1. அடிக்கடி வரும் சண்டைச் சச்சரவுகள்.
  2. ஒருவறையொருவர் குறை கூறும் பழக்கம்.
  3. அவரவர் வாக்கைக் காப்பாற்றத் தவறுதல்.
  4. விரும்பியதைப் பெற இயலாமை.
  5. ஒருவரையொருவர் நம்பாமை.
  6. ஒருவர் மீது ஒருவர் அக்கறை காட்டுவதில்லை.
  7. உலலாசப் பயணம் போக இயாலாமை.
  8. ஒருவர் வேலையில் பிறர் உதவுவதில்லை.
  9. விருந்தினர் குறைவு.
  10. பொருள்களை ஆளுக்கு ஆள் இடம் மாற்றி வைத்தல்.
  11. புதிய முயற்சிகளுக்கு ஒத்துழைப்பு இலலை.
  12. விட்டுக் கொடுக்கும் பண்பு குறைவு.
  13. ஒருவர் மனம் புண்படும்படியாகப் பேசுதல்.
  14. மகிழ்வான சூழ்நிலைகளை உருவாக்குதல் குறைவு.

பத்து கட்டளைகள்

  1. அன்பு செலுத்துங்கள். அக்கறை காட்டுங்கள்.
  2. ஆர்வத்துடன் அதிகமாக செயல்பட விரும்புங்கள்.
    3.இன்சொல் கூறுங்கள். ‘நான்’, ‘எனது’ போன்ற வார்த்தைகளைத் தவிர்த்திடுங்கள்.
  3. உணர்வுகளை மதிக்கவும், மரியாதை கொடுக்கவும் புகழவும் கற்றுக் கொள்ளுங்கள்.
  4. ஊக்கத்துடன் சுறுசுறுப்பாகச் செயல்படுங்கள்.
  5. எப்போதும் பேசுவதைக் கேட்டு, பின்விளைவை யோசித்து சரியான சைகை, முகபாவத்துடன் தெளிவாகப் பேசுங்கள்.
  6. ஏற்றுக் கொள்ளும் மனப் பக்குவத்துடன் பிறர் குறைகளை அலட்சியப் படுத்துங்கள்.
  7. ஐங்குணமாகிய நகைச்சுவை, நேர்மை, சமயோசிதம், இன்முகம், விட்டுக் கொடுத்தல் ஆகியவற்றைக் கடைப்பிடியுங்கள்.
    9.ஒவ்வொருவரையும் வெவ்வேறு புதுப்புது வழிகளில் கையாளுங்கள்.
    10.ஓஹோ, இவர் இப்படித்தான் என்று யாரையும் பார்த்த மாத்திரத்தில் மதிப்பிடாதீர்கள்.

வாழ்க்கையில் நல்வழிகளைக் கடைப்பிடிப்போம். வெற்றியை எட்டிப் பிடிப்போம்!
Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

காய்கறி வாங்குவது எப்படி?

காய்கறி வாங்குவது எப்படி?

படித்ததில் பிடித்தது பகிர்ந்தேன்

உபயோகமான தகவல் என்பதால் இங்கு பகிர்கிறேன்
என்னென்ன காய்கறி எப்படி பார்த்து வாங்க வேண்டும்?

சமைத்த உணவு சுவையாக இருக்கவேண்டும் என்றால், வாங்கும் காய்கறிகள் நல்லதாக இருக்கவேண்டும். சிலருக்கு காய்கறிகளை எப்படிப் பார்த்து வாங்க வேண்டும் என்பது பிடிபடுவதில்லை.

ஒவ்வொரு காய்கறியையும் எப்படி தரம் பார்த்து வாங்கவேண்டும்.

அவரைக்காய்: ஒவ்வொரு காயையும் தொட்டுப் பார்க்கவும். அதில் விதைகள் பெரியதாக இருக்கும் காய்களைத் தவிர்க்கவும். தோல் மெத்தென்று அடர்த்தியா இருக்க வேண்டும். தோல் மெலிந்து, விதைகள் உப்பலாகத் தெரிந்தால் அது முற்றிய காய். இளசாக இருக்கும் காய்களில் விதைகள் சிறியதாக இருக்கும், நார் அதிகம் இருக்காது. இளசாக வாங்கினால் நார் அதிகம் இருக்காது

இஞ்சி: லேசாக கீறி பார்க்கும் போது தோல் பெயர்ந்து வருவது நல்லது. நார் பகுதி குறைவாக இருக்கும்

உருளை கிழங்கு: நல்ல கெட்டியாக இருக்க வேண்டும். பச்சை நிறம் வெளியில் தெரியக்கூடாது. கிழங்கில் இரு வகை உண்டு. வெளிறின தோல் கிழங்கு எனில், தோல் பளபளப்பாக இருக்க வேண்டும். அடர்ந்த பிரவுன் நிறத் தோல் கிழங்கு எனில், தோல் சொரசொரவென இருக்க வேண்டும். முளை இல்லாமல் இருக்க வேண்டும். முளை விடாமல் பச்சை நரம்பு ஓடாமல் கீறி னாலே தோல் உதிர்ந்து பெயர்ந்து வர வேண்டும் இதுதான் நல்ல உருளைக்கிழங்குக்கு அடையாளம். சுவையாகவும் இருக்கும். தழும்புகள், ஓட்டைகள் இல்லாமல் இருக்க வேண்டும்.

கத்தரிக்காய்: தோல் softஆக இருப்பதுபோல் பார்த்து வாங்கவும். ஓட்டை இருந்தால் உள்ளே புழு இருக்கும் என்பதால், சிறு ஓட்டைகூட இல்லாமல் நன்றாகப் பார்த்து வாங்கவேண்டும். காம்பு நீண்டிருந்தால் காய் இளசாக இருக்கும். காம்பு குச்சி போன்று இருந்தால் காய் முற்றல் என்று அர்த்தம். காய் முழுக்க ஒரே நிறத்தில் பளபளவென்று இருப்பது நல்ல காய். பச்சை நிறத்தில் உள்ள கத்தரிக்காய் மீது வெள்ளை வரிகள் இருந்தால் அது கசக்கும்.

கருணை கிழங்கு: முழுதாக வாங்கும் போது பெரியதாக பார்த்து வாங்குவது நல்லது. வெட்டிய கிழங்கை விற்றால், உள் புறம் இளம் சிவப்பு நிறத்தில் இருக்குமாறு பார்த்து வாங்கவும்

காலிபிளவர்: பூக்களுக்கிடையே இடைவெளி இல்லாமல் அடர்த் தியாக காம்பு தடினமனாக இல்லாமல் வாங்கவும். மொட்டு மொட்டாக நெருக்கமாக இருப்பதை வாங்குங்கள். பூத்திருக்கக் கூடாது. கரும்புள்ளிகளும் தெரியக் கூடாது.

குடை மிளகாய் : தோல் சுருங்காமல் fresh ஆக இருப்பதை வாங் கவும். கரும்பச்சையில் வாங்கவேண்டாம். அடிபட்டிருக்கும். எல்லா நிற குடை மிளகாய்களும் ஒரே சுவையில் தான் இருக்கும்

கேரட்: கலர் வெளுத்து இருக்காமல் நல்ல சிவப்பாக இருக்க வேண்டும். வேர்க்கணு அதிகமாக வெளியில் தெரியாதவையாக இருக்க வேண்டும்.

கோவைக்காய் : முழுக்க பச்சையாக வாங்க வேண்டும். சிவப்பு லேசாக இருந்தாலும் வாங்க வேண்டாம். பழுத்து ருசி இல்லாமல் இருக்கும்

சர்க்கரை வள்ளிகிழங்கு: உறுதியான கிழங்கு இனிக்கும், அடி பட்டு கருப்பாக இருந்தால் கசக்கும்

சின்ன வெங்காயம்: பழைய வெங்காயம் வாங்குவதே நல்லது. இரண்டு பல் இருப்பதாக, முத்து முத்தாக தெளிவாக இருப்பதை வாங்கவும்

சுரைக்காய் : நகத்தால் அழுத்தினால் நகம் உள்ளே இறங்க வேண்டும். அப்போது தான் இளசு என்று அர்த்தம்

சேப்பங்கிழங்கு: நீண்டிருக்கும் கிழங்கு சுவை தராது. உருண்டையாக இருக்கும் சேப்பங்கிழங்காகப் பார்த்து வாங்கவும். மேலே கீறிப் பார்த்தால் உள்ளே வெள்ளையாக இருந்தால் நல்ல கிழங்கு.

சௌசௌ : வாய் போன்ற பகுதி விரிசல் பெரிதாக இல்லாத படி பார்த்து வாங்கவும். விரிசல் இருந்தால் முற்றிய காய்

தக்காளி: தக்காளி நல்ல சிவப்பில் தக்காளி இருந்தால் அதை வாங்கலாம் (குறிப்பு பெங்களூர் தக்காளி ஒரு வாரம் ஆனாலும் கெடாது இருக்கும்). : நன்கு சிவப்பாக, பழுத்ததாக முழுமையாக கல் போரல இருக்க வேண்டும். உடனே சமைக்க வேண்டுமானால் சிவந்த, கனிந்த, கனத்த பழமாகப் பார்த்து வாங்க வேண்டும்.

தேங்காய்: நிறம் ரொம்ப வெளிறியும் ரொம்பவும் கறுப்பாகவும் இல்லாமல் நடுத்தர பழுப்பு நிறத்தில் இருக்க வேண்டும். குடுமி ஈரமாக இருக்கக் கூடாது. அதோடு கனமான காயாகப் பார்த்து வாங்க வேண்டும். காயை குலுக்கினால் நீர் குறைவாக உள்ள காயே நன்கு விளைந்த காய்.

பச்சை மிளகாய் : நீளமானது சற்று காரம் குறைவாக இருக்கும். சற்றே குண்டானது தான் காரம் தூக்கலாக வாசனையும் பிரமாதமா க இருக்கும். கரும்பச்சையாக இருந்தால் நன்கு முற்றியது. மெல்லியதாய் குச்சி போல் இருந்தால் ரொம்பப் பிஞ்சு. இரண்டிற்கும் நடுத்தரத்தில் இருந்தால் அதுதான் நல்ல பச்சைமிளகாய். காயும் காம்பும் பச்சையாக இருந்தால் ஃப்ரெஷாக இருக்கும். காம்புகள் சுருங்கி, கறுத்தப் போயிருந்தால் பழையது என்று அர்த்தம். மிளகாய் நீளமாக இருந்தால் காரம் குறைவாக இருக்கும். அதுவே குண்டாக இருந்தால் காரம் அதிகமாக இருக்கும்.

பரங்கிக்காய் கொட்டைகள் முற்றியதாக வாங்கவும்

பாகற்காய்: பெரிய பாகற்காயில் உருண்டையை விட, தட்டையா ன நீண்ட காய் நல்லது

பீட்ரூட்: மெல்லிய தோலுடன், பளபளவென்று கருஞ்சிவப்பாக திண்ணமாக இருக்க வேண்டும்.

பீர்க்கங்காய் ( நார்ச்சத்து உள்ள மிக நல்ல காய் இது ) : அடிப் பகுதி குண்டாக இல்லாமல் காய் முழுதும் ஒரே சைசில் இருக்கு மாறு பார்த்து வாங்குவது நல்லது. பார்ப்பதற்கு பச்சைப் பசேல் என்று இருப்பதை வாங்கவேண்டும். காயின் மேல் நரம்புகள் எடுப்பாகவும் வெள்ளைப் புள்ளிகளும் இருந்து காம்பு வறண்டு இருந்தால் முற்றல் என்று அர்த்தம். பீர்க்கங்காயில் உள்ள கோடுகள் நெருக்கமாகவும் அதிகம் படராமலும் இருக்க வேண்டும். காய் கனமாக இருக்க வேண்டும். காய் முற்றிவிட்டால் நீர்ச்சத்து குறைந்து, கனமும் குறைந்துவிடும் ருசி இருக்காது.

பீன்ஸ் பிரன்ச் : பீன்ஸில் நார் அதிகம். புஷ் பீன்ஸில் நார் இருக்காது. தோல் soft-ஆக இருந்தால் சுவை அதிகமாய் இருக்கும்

பீன்ஸ்: ஃப்ரெஷ் பீன்ஸ் நல்ல பச்சை நிறத்தில் இருக்கும். உடைத்தால் பட்டென்று உடையும். அதுதான் சமையலுக்குச் சுவையாக இருக்கும். வெளிர்பச்சை நிறத்தில் இருந்தால் அது முற்றிய பீன்ஸ். நாள்பட்ட பீன்ஸும் வதங்கி வெளிர்பச்சையாகக் காட்சியளிக்கும்; தவிர்க்கவும். வில் மாதிரி நன்றாக வளைவதை வாங்குங்கள். அதுவே நல்ல பீன்ஸ்.

புடலங்காய் : கெட்டியாக வாங்கவும். அப்போதுதான் விதைப்பகுதி குறைவாக, சதை பகுதி அதிகமாக இருக்கும்.

பூண்டு: பல் பல்லாக வெளியே தெரிவது நல்லது. வாங்கலாம்

பெரிய வெங்காயம்: மேல் (குடுமி) பகுதியில் தண்டு பெரிதாக இல்லாமல் பார்த்து வாங்கவும்

மக்கா சோளம்: இளசாகவும் இல்லாமல் ரொம்பவும் முற்றாமல் மணிகளை அழுத்தி பார்த்தால் உள்ளே இறங்காமல் இருந்தால் அதுநல்ல மக்காச்சோளம்.

மாங்காய்: தேங்காயை காதருகே வைத்து தட்டி பார்ப்பது போல மாங்காயும் தட்டி பார்க்கவும். சத்தம் வரும். அத்தகைய மாங்காயில் கொட்டை சிறிதாக இருக்கும். சதைப்பகுதி நிறைந்திருக்கும்.

முட்டைக்கோஸ்: இலைகள் வெள்ளையாக இருக்கக்கூடாது; பச்சை உள்ளவையாகப் பார்த்து வாங்கவேண்டும். அதுதான் இளசு. முட்டைக்கோஸ் அளவில் சிறியதாகவும் கனமாகவும் இருந்தால் சுவையாக இருக்கும். நடுக்காம்பு வெள்ளையாகவும், நாற்றமில்லாமலும் இருக்கவேண்டும். தவறினால் அது பழையது என்று அர்த்தம். இதழ்கள் நெருக்கமாக கனமாக இருக்க வேண்டும். ஏற்கனவே வெட்டி வைத்திருக்கும் கோஸைவிட முழுசாக வாங்குவது நல்லது.

முருங்கை: லேசாக நீள வாக்கில் முறுக்கிவிட்டால் மீண்டும் விறைத்து பழைய நிலைக்கு வர வேண்டும். முருங்கைக் காயை கட்டை மற்றும் ஆட்காட்டி விரல்களை பயன்படுத்தி சிறிது முறுக்கினால், எளிதாக வளைந் தால் அது நல்ல முருங்கை காய். கரும்பச்சை நிறத்திலும் சற்று உருண்டையாகவும் இருக்கும் முருங்கைக்காயாகப் பார்த்து வாங்க வேண்டும். பட்டையாக இருந்தால் உள்ளே சதை இருக்காது என்பதால் தவிர்க்கவும். இரு முனைகளைப் பிடித்து லேசாக முறுக்கினால் வளைத்துகொடுக்கவேண்டும். அதுவே இளசான காய். அதுவே முறுக்கும்போது மளமளவென்று சத்தம் கேட்டால், அது முற்றல். தவிர்க்கவும்.

முள்ளங்கி: லேசாக கீறினால் தோல் மென்மையாக இருந்தால் அது இளசு- நல்ல காய்

முள்ளங்கி: காய் நீண்டு, தலைப்பகுதி காம்பு நிறம் மாறி வாடிவிடாமல் பச்சையாக இருக்க வேண்டும். நகத்தால் லேசாகக் கீறிப் பார்க்கும்போது தோல் மென்மையாக இருந்தால் அது இளசு, சமைக்க உகந்தது.

மொச்சை : கொட்டை பெரிதாக தெரியும் காய் பார்த்து வாங்கவும்

வாழை தண்டு: மேல் பகுதி நார் அதிகம் இல்லாமலும் உள்ளிருக் கும் தண்டு பகுதி சிறுத்தும் இருப்பதாக பார்த்து வாங்க வேண்டும்.

வாழைக்காய்: திண்ணமாக விடைத்து, தோல் நன்கு பரந்து ஒட்டி இருந்தால் அதுதான் நல்ல வாழைக்காய். காம்பு ஒடிந்த இடத்தில் வெள்ளையாக இருக்கிறதா என்று பார்த்து வாங்குவது நல்லது. வாங்கி வந்தபிறகு சுத்தமாகக் கழுவிவிட்டு தண்ணீரில் போட்டு வைத்தால், வாடாமலும் பழுக்காமலும் இருக்கும்.

வாழைப்பூ : மேல் இதழை விரித்து பூக்கள் கருப்பாகாமல் வெளி ர் நிறத்தில் இருக்கிறதா என பார்க்கவும். அப்படி இருந்தால் பிரெஷ் காய் என்று அர்த்தம். காம்பில் பால் காயாமல் பிசுக்கென்று இருந்தால் ரொம்ப பிரஷ். முதல் இதழை நீக்கிப் பார்த்தால், பூ உள்ளே கறுப்பாகத் தெரிய்தால் அது பழைய வாழைப்பூ

வெங்காயம் : வெங்காயம் பெரிதோ, சிறிதோ இரண்டையுமே எடுத்து நன்றாக அழுத்திப்பாருங்கள். ஈரம் இருக்கக்கூடாது. திண்ணமாகக் காய்ந்து இருக்க வேண்டும். வால் ரொம்ப நீளமாக இருக்கும் வெங்காயத்தையும் தவிர்த்து விடுங்கள்.

வெண்டைகாய்: அடர்ந்த பச்சை நிறத்தில் இருக்க வேண்டும். ரொம்பவும் நீளமாக இருக்கக் கூடாது. மேற்புறம் வரிவரியாக விடைத்து கட்டை போல் இருக்கக் கூடாது. நுனியை வளைத்தால் ஒடிய வேண்டும். நுனியை உடைத்தால் படக்கென்று உடையவேண்டும், அதுதான் பிஞ்சு. உடையாமல் வளைந்தாலோ, இரண்டாகப் பிளந்தாலோ அல்லது காம்பு சுருங்கியிருந்தாலோ அது முற்றல்.

வெள்ளரி மேல் நகத்தால் குத்தி பார்த்தால் நகம் உள்ளே இறங்கி னால், நல்ல காய். விதைகள் குறைவாக இருக்கும்

வெள்ளை வெங்காயம்: நசுக்கினாலே சாறு வரும்படி இருக்க வேண்டும்

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

இரண்டு ரத்தினங்கள்

இரண்டு ரத்தினங்கள்

படித்ததில் பிடித்தது பகிர்ந்தேன்

ஒரு வியாபாரி தனக்கு பயணம் செய்ய ஒட்டகம் ஒன்று வாங்கி வர சந்தைக்குப் போனான்.

ஒட்டக வியாபாரியிடம் அப்படி இப்படி என பேரம் பேசி நல்ல விலைக்கு ஒட்டகத்தை வாங்கிக் கொண்டு ஓட்டி வந்தான்.

ஒட்டகம் வாங்கிய வியாபாரிக்கோ மகிழ்ச்சி. நியாயமான விலையில் நல்ல தரமான ஒட்டகம் கிடைத்தது என்று.

வீட்டுக்கு வந்ததும் தன் வேலையாளை அழைத்து ஒட்டகத்தை கொட்டிலில் அடைக்க சொன்னான்.

அதற்கு முன்பாக ஒட்டகத்தின் மேலிருந்த சேணத்தை அவிழ்க்க முயற்சித்தான். அவனால் முடியவில்லை.

தன் வேலையாளை அழைத்து ஒட்டகத்தின் சேணத்தை அவிழ்க்க சொன்னான்..

ஒட்டகத்தின் மீதிருந்த சேணத்தை அவிழ்த்த வேலையாள், பொத் என ஏதோ கீழே விழுவதை கண்டு எடுத்துப் பார்த்தான்.

அது ஒரு சிறிய பொக்கிஷப்பை. உள்ளே பிரித்தால், ஆச்சரியத்தால் அவன் கண்கள் விரிந்தது. விலை மதிப்பற்ற நவரத்தின கற்கள். தகதகவென மின்னியது.

அதை எடுத்து கொண்டு முதலாளியிடம் ஓடி வந்து அதைக் காண்பித்தான்.

உடனே வியாபாரி, “அந்த பையை இப்படி கொடு, உடனே அந்த ஒட்டக வியாபாரியிடம் கொடுக்கணும்”னு சொல்லி புறப்பட்டான்.

பணியாளோ, “ஐயா இது யாருக்கும் தெரியப் போவதில்லை. இது இறைவனின் பரிசு. நாமே வைத்து கொண்டால் என்ன? தாங்கள் அதிகமாக வைத்துக் கொண்டு எனக்கு கொஞ்சமாகக் கொடுங்கள்” என மிகவும் வற்புறுத்தினான்.

வியாபாரியோ ஒத்து கொள்ளாமல் ஒட்டக வியாபாரியைப் பார்த்து ஒப்படைக்கப் புறப்பட்டுப் போனான்.

ஒட்டக வியாபாரியிடம் சேணத்தை அவிழ்த்த போது கிடைத்த பொக்கிஷப் பையை கொடுத்ததும் நன்றியோடு வாங்கி கொண்டவன், அந்த பொக்கிஷப் பையை வியாபாரியிடம் கொடுத்து, “உங்கள் நேர்மையை நான் பெரிதும் மெச்சுகிறேன். தங்களுக்கு ஏதேனும் பரிசளிக்க விரும்புகிறேன். இதிலிருந்து உங்களுக்கு பிடித்தமான கற்களை சிலவற்றை எடுத்து கொள்ளுங்கள்” என்று நீட்டினான்.

அதற்கு அந்த வியாபாரியோ சிரித்துக் கொண்டே ” உங்களிடம் இந்த பொக்கிஷத்தை தரும் முன்பே இரண்டு விலையுயர்ந்த ரத்தினங்களை நான் எடுத்து வைத்து கொண்டேன் ” என்றான்.

உடனே ஒட்டக வியாபாரியோ கற்களை எண்ணி பார்க்க எதுவுமே குறையவில்லை. சரியாக இருந்தது கண்டு குழம்பினான்.

உடனே அந்த வியாபாரி –
” நான் சொன்ன இரண்டு ரத்தினங்கள்…

  1. எனது நேர்மை.
  2. எனது சுயமரியாதை
    என்றான்” கம்பீரமாக சிறிது கர்வமாகக் கூட –

நேர்மையாளனாக வாழ்வது பெரிய விஷயமல்ல. தவறு செய்யக்கூடிய சந்தர்ப்பமும், வாய்ப்பும், வாய்த்தாலும் நேர்மையாக வாழ வேண்டும்.

வாழ்வில் ஒரு நாள் நேர்மையையாய் வாழ்ந்து பார்த்தால் அதன் ருசி உணர்ந்து விட்டால், நாம் எதற்காகவும் நேர்மையை இழக்க மாட்டோம்.

நேர்மை கூட ஒரு போதை தான், அதை அனுபவித்து விட்டால், அதற்கு அடிமையாகி அதிலிருந்து மீண்டு வர முடியாது –

ஆனால் மன நிம்மதி கிடைக்கும் .

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

சில தெய்வீக விருட்சங்கள் விருட்சங்களும் தெய்வீக சக்திகளும்

சில தெய்வீக விருட்சங்கள்
விருட்சங்களும் தெய்வீக சக்திகளும்
படித்ததில் பிடித்தது பகிர்ந்தேன்

வரம் தருவதால் அது தாவரம் எனப்பட்டது. விருத்தி அடையச் செய்வதால் அதற்கு விருட்சம் என்று பெயர். நாம் நடக்கும் பாதையில் இருக்கும் அருகு முதல் ஆண்டவன் சந்நிதிக்குப் பின்புறம் முளைத்தெழும் மரங்கள் வரை அனைத்துமே தெய்வாம்சம் நிறைந்தவைதான் என்று விருட்ச சிந்தாமணி சொல்கிறது. சில மரங்கள் தனித்தன்மை கொண்டவை என்று அறிவியல்பூர்வமாக நிரூபிக்கப்பட்டுள்ளது.

அசோக மரம்: அசோக மரம் சாத்வீக அதிர்வுகளை வெளிப்படுத்தும்.

அத்திமரம்: அத்தி மரம் தத்தாத்திரேயரின் அம்சமாகும். விஷ்ணுவும் இதில் குடியிருப்ப்பார். இம்மரத்திலிருந்து வெளிப்படும் அதிர்வுகள் அல்லது காந்த அலைகள் சாத்வீக குணமுடையவை. மனசாந்தியை கொடுக்கக்கூடியவை. இம்மரத்தில் அடியில் அமர்ந்து தியானம் செய்தால் எளிதாக கைகூடும்.

அரசமரம்: அரசமரம் பிரம்மாவின் அம்சமாகும். இம்மரத்திலிருந்து வழிபாடும் அதிர்வுகள் சாத்வீக குணமுடையவை. இம்மரத்தின் கிழே தீபம் ஏற்றி வர புத்திர தோஷம் நீங்கும்.

அரிசந்தன மரம்: திருவோண நட்சத்திர நாளில் புதன், சனிக்கிழமைகளில் இந்த மரத்தை வழிபட்டுவர தீமைகள் விலகி, நன்மை சேரும் என்று சொல்வார்கள்.

ஆலமரம்: ஆலமரம் சிவனின் அம்சமாகும். இம்மரத்திலிருந்து வெளிப்படும் அதிர்வுகள் சாத்வீக குணமுடையவை. இம்மரத்தின் கிழே அமர்ந்து தியானம் செய்தால் தியானம் எளிதாக கைகூடும். அம்மரத்தின் விழுதுகள் ஆண்மை குறைவை நீக்கும் தன்மையுடையது

கருநெல்லி மரம்: திருமகள் வாசம் செய்வதாகக் கூறப்படும் இந்த மரத்துக்கு லட்சுமி மரம் என்ற பெயரும் உண்டு. வளர்பிறை அஷ்டமி, பூர நட்சத்திரம், பவுர்ணமி நாளில் வழிபட்டால் வறுமை நீங்கி, வளம் பெருகும் என்பது நம்பிக்கை.

குறுந்த மரம்: வாஸ்து குறைகளால் வீட்டில் அசம்பாவிதங்கள், தடைகள் ஏற்படுவதாக உணர்ந்தால் இந்த விருட்சத்தின் வேரை வாஸ்து பகவான் விழித்திருக்கும் நாளில் முறைப்படி பிராணப் பிரதிஷ்டை செய்து நடு அறையில் கட்டி வைத்தால் நல்ல பலன் கிடைக்கும் என்பது ஐதீகம்.

கொன்றை மரம்: சரக்கொன்றை என்ற பெயரில் அழைக்கப்படுகிற இந்த மரத்தை அமாவாசையன்று பூஜை செய்து வந்தால் துஷ்ட சக்திகளின் தாக்கத்தில் இருந்து விடுபடலாம் என்று நம்பப்படுகிறது.

சந்தன மரம்: சந்தனமரம் விஷ்ணுவின் அம்சமாகும். சந்தனம் சுபகாரியங்களிலும், பூஜைகளிலும் பயன்படுத்தப்படுகிறது. இதிலிருந்து தெய்வீக அதிர்வுகள் வெளிபடுகின்றன. இவ்வதிர்வுகள் மன அமைதியையும், சாத்வீக குணத்தையும் கொடுக்கும்.

செண்பக மரம்: சௌபாக்ய விருட்சம் என்ற சாஸ்திரப் பெயரைக் கொண்டிருக்கும் இந்த மரத்தை வீட்டில் வளர்த்து செவ்வாய்க்கிழமைகளில் வழிபட்டு வந்தால் வளங்கள் சேரும் என்பது ஐதீகம்.

துளசி: துளசி விஷ்ணுவின் அம்சமாகும். துளசியின் இன்னொரு பெயர் பிருந்தா, பிருந்தாவனம் உள்ள இடத்தில் கண்டிப்பாக விஷ்ணு குடியிருப்பார். அதனால் வீடுகளில் முற்றத்தில் துளசி மாடம் அமைக்கப்படுகிறது. துளசிக்கு பல மருத்துவ குணங்களும் உண்டு. இதிலிருந்து வெளிப்படும் தெய்வீக அதிர்வுகள் பல நோய்களை குணமாக்கும்.

நெல்லி மரம்: நெல்லி மரம் விஷ்ணுவின் அம்சமாகும். இம்மரத்தின் அதிர்வுகள் சாத்வீக குணமுடையவை. இம்மரத்தின் கீழே தம்பதிகளை அமரவைத்து அன்னதானம் செய்தால், அன்னதானம் செய்பவருடைய சகல பாவங்களும் நீங்கும்.

பன்னீர் மரம்: இந்தப் பன்னீர் மரம் திருச்செந்தூர் கோயில் மரம் என்று பெயர் பெற்றுள்ளது. இந்த மரத்தை வீட்டில் வளர்த்து அதன் அருகில் வாகனங்களை நிறுத்த, விபத்துகள் நடக்காமல் பாதுகாக்கப்படும் என்பது நம்பிக்கை. சனிக்கிழமை மற்றும் திரயோதசி திதி நாளில் இந்த மரத்துக்குப் பூஜை செய்யலாம்.

பாரிஜாதகம்: அனுமன் மரம், சிரஞ்சீவி மரம் என்ற பெயர்களுடைய இந்த மரத்தை வீட்டில் வளர்த்து வழிபட்டால் நீண்ட ஆயுள் கிட்டும் என்பது ஐதீகம். அமாவாசை மூல நட்சத்திர நாளில் இந்த மரத்தைக் குழந்தைகள் வழிபட்டு வர ஆயுள் விருத்தியடையும் என்பது நம்பிக்கை.

பிராய் மரம்: மின்னலைத் தாக்கும் விருட்சம் என்ற பெயரும் இந்த மரத்துக்கு உண்டு. தொழிற்சாலை வைத்திருப்போர் முன்பகுதியில் இந்த மரத்தை வளர்த்தால் 5 கி.மீ சுற்றளவுக்கு இடி தாக்காது என்று சொல்வார்கள். திருச்சி திருப்பராய்த்துறை சிவாலயத்தில் தல விருட்சமாக ஒரு மரம் மட்டுமே உயிர்வாழ்கிறது. பிராய் மரங்கள் நிறைந்திருந்ததால் திருப்பராய்த்துறை என்ற பெயர் நிலைத்தது

பின்னை மரம்: திருமண விருட்சம் என்ற அபூர்வமான இந்த மரத்தைத் திருமணம் ஆகாத கன்னிப் பெண்கள் வெள்ளி, பவுர்ணமி ஞாயிற்றுக்கிழமைகளில் சுற்றி வந்து வணங்கி, கையில் காப்புக் கட்டிக்கொண்டால் திருமணத் தடை நீங்கும் என்பது ஐதீகம்.

பும்ஸிக மரம்: சந்தான பாக்யத்தைத் தருகிற இந்த தெய்வ விருட்சத்தை வீட்டில் வளர்த்து வந்தால் பிள்ளைப்பேறு கிட்டும் என்பது நம்பிக்கை. இதன் காற்று படும்படி மரத்தைச் சுற்றிவர வேண்டும்.

புளிய மரம்: புளியமரம் தீய அதிர்வுகளை வெளிபடுத்தும். புளிய மரத்தின் நிழல் நோய்களை உண்டாகும்.

மகிழ மரம்: இந்த மரம் திருவண்ணாமலை கோயில் மரம் என்று அழைக்கப்படுகிறது. இந்தத் தெய்வ மரத்தை வீட்டில் வளர்த்து வந்தால், குழந்தைகள் அதன் காற்றைத் தொடர்ந்து சுவாசித்து வர அறிவு வளரும் என்று சொல்வர்.

மந்தாரக மரம்: வெள்ளை மந்தாரை என்ற மலரைத் தருகிற இந்த விருட்சத்தை செவ்வாய், சனி ஏகாதசி தினங்களில் வழிபட்டால் மனதில் எண்ணிய நல்ல செயல்கள் நிறைவேறும் என்பது நம்பிக்கை. கேட்டதைத் தரும் கல்பதரு என்றும் இந்த மரத்தைச் சொல்வார்கள்.

மருதாணி மரம்: மருதாணி மரமானது லட்சுமியின் அம்சமாகும். இம்மரத்திலிருந்து வெளிப்படும் அதிர்வுகள் சாத்வீக குணமுடையவை. இம்மரத்தின் பழங்களை தூங்கும் போது தலையணைக்கு அடியில் வைத்து தூங்கினால் கேட்ட கனவுகள் வராது.

மாதுளம் மரம்: மாதுளை மரம் லட்சுமியின் அம்சமாகும். இம்மரத்தின் வெளிப்படும் அதிர்வுகள் சாத்வீக குணமுடையவை. இம்மரத்தின் கிழே விளகேற்றி தம்பதிகளால் வலம் வர தம்பதிகளிடையே அன்யோன்யம் ஏற்படும்.

மாமரம்: மாமரம் மகாலட்சுமியின் அம்சமாகும். இம்மரத்தில் இருந்து வெளிப்படும் அதிர்வுகள் சாத்வீக குணமுடையவை. இதன் காரணத்தினாலேயே எல்லாவிதமான பூஜைகளிலும் மாவிலைகள் பயன்படுத்தபடுகின்றன. சுபகாரியங்கள் செய்யும் போது வீடுகளில் மாவிலைகள் தோரணமாக கட்டி தொங்க விடப்படுகிறது.

ருத்ராஷ மரம்: ருத்ராஷ மரம் சிவனின் அம்சமாகும். இம்மரத்திலிருந்து வெளிப்படும் அதிர்வுகள் சாத்வீக குணமுடையவை. ருத்ராஷ கோட்டையை உடலில் அணிந்து கொண்டால் இரத்தம் சுத்தமாகும். இரத்த அழுத்தம் சீராகவும் கோபம் குறையும். மனதில் சந்தம் உண்டாகும்.

வில்வமரம்: வில்வமரம் சிவனின் அம்சமாகும். இம்மரத்தின் இலைகளால் சிவனை பூஜிக்க சகல பாவங்களும் நீங்கும்.

வேப்பமரம்: வேப்பமரம் சக்தியின் அம்சமாகும். இம்மரத்தின் அதிர்வுகள் சாத்வீக குணமுடையவை. இம்மரத்தை சுற்றி மஞ்சள் குங்குமம் பூசி மங்கள் ஆடைகளை கட்டி மாலை சூடி மரத்தை வலம் வந்து வணங்கி வர சக்தியின் அருள் கிட்டும்.

ஷர்ப்பகந்தி: இம்மரத்தின் அருகே பாம்புகள் வராது. இம்மரத்தின் குச்சிகள் உடலில் கட்டி கொண்டால் பாம்புகள் தீண்டாது.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

கூடாரவல்லி என்று சிறப்பித்துக் கூறப்படும் நாள்

கூடாரவல்லி என்று சிறப்பித்துக் கூறப்படும் நாள்.

படித்ததில் பிடித்தது பகிர்ந்தேன்

Click the link to listen to “கூடாரை வெல்லும் சீர் கோவிந்தா” sung by அனுராதா கிருஷ்ணமூர்த்தி

குறிப்பாக வைணவர்கள், சிறப்பாக நெய் வடியும் பாலில் செய்த ’சர்க்கரைப் பொங்கல்’ செய்து வழிபடுவர். வைணவர்கள் அல்லாத சிலரும் கூட இதைச் செய்து வருகிறார்கள்/வருகிறோம். காரணம், கோதைநாச்சியார் பாடிய இந்த 27-வது திருப்பாவைப் பாசுரம்தான்.

கூடாரை வெல்லும் சீர் கோவிந்தா! உன் தன்னைப்
பாடிப்பறை கொண்டு யாம் பெறும் சம்மானம்
நாடு புகழும் பரிசினால் நன்றாக
சூடகமே தோள் வளையே தோடே செவிப்பூவே
பாடகமே யென்றனைய பல்கலனும் யாமணிவோம்
ஆடையுடுப்போம் அதன் பின்னே பாற்சோறு
மூடநெய் பெய்து முழங்கை வழிவாரக்
கூடியிருந்து குளிர்ந்தேலோ ரெம்பாவாய்.

திருப்பாவையின் முதல் பத்து பாடல்களில் தன் தோழியரை எழுப்பிய ஆண்டாள்,

பதினோராவது பாடல் முதல் வாயில் காப்போன், நந்தகோபன், யசோதை, பலராமன் என்று அனைவரையும் எழுப்பி

18-ஆவது பாடலில் கண்ணனுடன் துயிலிருக்கும் நப்பின்னைப் பிராட்டியையும் எழுப்பி

19 -22 பாடல்களில் கண்ணனைத் துயில் எழுப்புகிறாள்.

முதல் பாட்டு (பாவை) நோன்பு ஆரம்பிக்கும் முன் அதன் பலனை எடுத்துக் கூறுவது (நாராயணனே நமக்கே பறை தருவான்).

இரண்டாம் பாட்டு, நோன்பு விதிகளைக் கூறுவது (செய்யும் கிரிசைகள் கேளீரோ : பரமனடி பாடி, நெய்யுண்ணோம்; பாலுண்ணோம், நாட்காலே நீராடி; மையிட்டெழுதோம்; மலரிட்டு நாம் முடியோம்; செய்யாதன செய்யோம்; தீக்குறளைச் சென்றோதோம்).

அடுத்த எட்டு பாடல்கள் அஷ்டமஹா சித்திகளை எழுப்புவதுதான்.

23-ம் பாடல், கண்ணன் சிங்கம் போல எழுந்து வந்து சிங்காசனத்தில் அமர்ந்ததைக் கூறுகிறது. அப்படியானால் இனிமேல் கண்ணனைத் துயில் எழுப்பத் தேவையில்லை. சுப்ரபாதம் முடிந்துவிட்டது. கண்ணன் அலங்கரித்து வந்துவிட்டான். அவனை, நாம் வந்த நோக்கத்தை அவனே அறிந்து அருளும்படி (காரியம் ஆராய்ந்து அருள்- என)ப் பணிக்கிறாள், ஆண்டாள். [நாம் கேட்கத் தெரியாமல் உளறிவிடுவோம் என்பது ஆண்டாளுக்குத் தெரிந்திருக்கிறது.]

24-ம் பாடல், அர்ச்சனை (போற்றிகள்)

25-ம் பாடல், தூப-தீபம். நெருப்பை ஒளித்து வைத்தால் புகையும்; இந்த பாட்டில், கண்ணனை ஆயர் பாடியில் ஒளித்து வளர்த்தால் அவன், அங்கே ஒளிந்து கொள்ளாமல், கம்சன் வயிற்றில் (பய) நெருப்பாக மாறி ஒளிந்து கொண்டு விடுகிறான். அதுதான் தூப-தீபம். [கண்ணனும் தீபச் சுடரும் ஒன்று – என்று விசிஷ்டாத்தைவத்திலும் இப்படி அத்வைதம் பார்க்கலாம்].

26-ம் பாடல் வாத்திய முழக்கம். தூப-தீபம் முடிந்து நைவேத்யம் படைப்பதை அனைவருக்கும் அறிவிக்க மணி முதலிய வாத்தியங்கள் முழங்க வேண்டும். [மாலே மணிவண்ணா – பாடலில் சங்கம், பறை, விளக்கு, கொடி எல்லாம் காட்டப்படுகின்றன].

27-ம் பாடல் தான் நைவேதயம்; என்ன படைக்கிறார்கள் – பால்சோறு மூட நெய் பெய்து. அதை கண்ணன் முழங்கை வழிவாரக் கூடியிருந்து (வயிறு) குளிர உண்ண வேண்டுகிறாள்.

இரண்டாம் பாடலில் சொன்ன விரதங்கள் முடிந்துவிட்டன. காரணம், கண்ணன் கொடுத்த சன்மானம் – சூடகம் (வளை), தோள்வளை, தோடு, செவிப்பூவே (காதைச் சுற்றிய வளையம்), பாடகம் (கொலுசு) – அதனால் அதை அணிந்து கொள்ளவேண்டியதுதான்.
ஆடை உடுப்போம், கண்ணன் முழங்கை வழி வழிந்த நெய்ச்சோறை உண்டு விரதம் முடிப்பதைக் கூறுகிறது.

காஞ்சி பெரியவர், ’நைவேத்யம் பகவானுக்கு இல்லை; பக்தனுக்குத் தான்’ என்று கூறியுள்ளார். அதனால், பொதுவாக விரதம் இருந்தாலும், பிரசாதத்தை மறுக்கக் கூடாது என்று கூறுவார்கள்.
அதனால் தான் கண்ணன் கொடுத்த பரிசை ஆண்டாள் உண்டு நோன்பை நிறைவு படுத்திக் கொள்கிறாள்.

28-ம் பாடல் பிழைப் பொருத்தருள வேண்டுதல் (சாதாரணமாக பூஜைகளில் “யதக்ஷர பதப்ரஷ்டம்” என்ற ஸ்லோகத்தைக் கூறுவர்; அதே போல் ‘சிறுபேர் அழைத்தனவும் சீறியருளாதே’ – கண்ணன் சீறுவது கூட ஆண்டாளுக்கு அருள்தான் – என்று பொறுத்தருள வேண்டுகிறாள்).

29-ம் பாடல் திரும்பவும் வணங்குதல் (புனர் பூஜை என்று வடமொழியில் கூறுவார்கள். பூஜையை ஒரே நாளில் முடித்துவிடாமல் தினமும் தொடர வேண்டும் என்பதற்காக அடுத்த நாள் காலையில் செய்வார்கள்).

ஆண்டாள் ‘எற்றைக்கும் ஏழேழ் பிறவிக்கும் உற்றமேயாவோம் உமக்கே யாம் ஆட்செய்வோம்’ என்று அடுத்த தினம் மட்டுமல்லாமல் அடுத்தடுத்தப் பிறவிகளிலும் தொடர்ந்து வணங்குவதை உறுதிச் செய்கிறாள்.

30-வது பாடல் பலச்ருதி – அதாவது பூஜையினால் அடைந்த/அடையும் பலன்களைக் கூறுவது.
என்ன பரிசு – ஈரிரண்டு மால்வரைத்தோள் செங்கண் திருமுகத்துச் செல்வத் திருமாலால் எங்கும் திருவருள் பெற்று இன்புறுவர் – என்று அவன் அருளைத் தவிர பெரிய பரிசு தனக்கு எதுவுமில்லை என்று மீண்டும் உறுதி செய்கிறாள் ஆண்டாள்.

27-வது நாள் இவ்வாறு நைவேத்யம் படைப்பதால் ”கூடாரை வெல்லும்” என்ற அந்த பாசுரத்தின் பெயராலேயே, இந்த நாள் கூடாரை வெல்லும் கோவிந்தனின் மனதுக்கு உகந்தவளான “கூடார வல்லி” கோதை நாச்சியார் பெயரால் வழங்கப் படுகிறது.

இந்த நோன்பு நிறைவைக் கொண்டாடும் விதமாக இந்நாளில், பாலில் செய்த சர்க்கரைப் பொங்கலை நெய் விட்டுப் படைப்பர்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

பப்பாளி பழத்தின் மருத்துவக் குணங்கள்

பப்பாளி பழத்தின் மருத்துவக் குணங்கள்

படித்ததில் பிடித்தது , தெரிந்து கொண்டதை பகிர்கின்றேன்.!

பப்பாளி தற்போது எல்லாக் காலங்களிலும் கிடைக்கும் பழம். மலிவானது. இனிப்பானது. எல்லோரும் அறிந்தது. சத்துக்கள் மிகுந்தது. மஞ்சள், சிவப்பு நிற பழங்களாகவும், சில சமயம் பச்சை கலந்த நிறத்திலும் உள்ளது. இந்தப் பழம் கரிகா பப்பாளி தாவரத்திலிருந்து பெறப்படுகிறது. இதன் பிறப்பிடம் மத்திய அமெரிக்கா என்றாலும், இந்தியா முழுவதும் இது பரவலாகக் கிடைக்கிறது.

வருடம் முழுவதும் கிடைக்கக்கூடிய பழம் இது. பப்பாளியில் ஏராளமான ஊட்டச்சத்துக்கள் நிறைந்துள்ளன.

பப்பாளியில் உள்ள ஊட்டச்சத்துக்கள்:

100 கிராம் பப்பாளியில் 39 கலோரிகள், 5.90 கிராம் சர்க்கரை, 9.81 கிராம் கார்போஹைட்ரேட், 1.8 கிராம் டயட்டரி நார்ச்சத்து, 0.14 கிராம் கொழுப்பு, 0.61 கிராம் புரோட்டீன், 328 மைக்ரோகிராம் வைட்டமின் A, 0.04 mg வைட்டமின், 0.05 mg வைட்டமின் B2, 0.338 mg வைட்டமின் B3, 0.1 mg வைட்டமின் B6, 38 mg வைட்டமின் B9, 61.8 mg வைட்டமின் C, 24 mg கால்சியம், 0.10 mg இரும்புச்சத்து, 10 mg மக்னீசியம், 5 mg பாஸ்பரஸ், 257 mg பொட்டாசியம், 3 mg சோடியம் நிறைந்துள்ளது. வைட்டமின் A உயிர் சத்து நிறைய இருக்கிறது. பப்பாளியில் வைட்டமின் ‘C’யும் ‘E’-யும் நிறைந்துள்ளன. ஆண்டிஆக்ஸிடண்ட் நிறைந்துள்ளது. பப்பாளி பழத்தில் கரோட்டின் சத்து அதிகமாக உள்ளது. இது மஞ்சள் நிறமான பழங்களில் அதிக அளவு காணப்படுகிறது. இந்த கரோட்டின் என்னும் நிறமச்சத்து நம் உடலில் விட்டமின் A-வாக மாற்றப்படுகிறது. விட்டமின் A அதிகமாக உள்ளது. இது 1094 IU கொண்டிருக்கிறது. இது மட்டுமல்லாது உடல் நலத்துக்கு முக்கியமான விட்டமின் C யும் இதில் உள்ளது. மேலும் பதினெட்டு வகையான சத்துக்கள் உள்ள ஒரே பழம் இதுவாகும்

பப்பாளி பழத்தில், இயற்கையாகவே விஷக்கிருமிகளை கொல்லும் சக்தி உள்ளது. எந்த வகையான தொற்று நோய் பரவினாலும், அது இவர்களை தாக்காது. பப்பாளி பழத்தை சாப்பிடுபவர்களின் ரத்தத்தில் நோய் கிருமிகள் தங்கி நோயை உண்டு பண்ண வாய்ப்பில்லை.

உடலின் மெட்டபாலிசத்தை ஊக்குவிக்க வேண்டுமானால், பப்பாளி பழத்தை உண்ணுங்கள். அதில் போலிக் அமிலம் வடிவில் வைட்டமின் B, வைட்டமின் B-6 மற்றும் ரிபோஃப்ளேவின் ஆகியவை அடங்கியுள்ளது. வைட்டமின் A குறைபாடு இருந்தால், கண்டிப்பாக பப்பாளி பழம் உண்ண வேண்டும். ஏனெனில் இதில் வைட்டமின் A, கால்சியம் மற்றும் பொட்டாசியம் வளமையாக உள்ளது.

பல் சம்மந்தமான குறை பாட்டிற்கும், சிறு நீர்ப்பையில் உண்டாகும் கல்லை கரைக்கவும் பப்பாளி சாப்பிட்டால் போதும். மேலும்- நரம்புகள் பலப் படவும், ஆண்மை தன்மை பலப்படவும், ரத்த விருத்தி உண்டாகவும், ஞாபக சக்தியை உண்டு பண்ணவும் பப்பாளி சாப்பிடுங்கள்!

நல்ல மலமிளக்கி. மலச்சிக்கல் வயிற்றுக் கடுப்பு, செரிமானமின்மை, அமிலத்தொல்லை போன்ற பிரச்சனைகளுக்குஅருமருந்து……!

பப்பாளியின் நன்மைகள்:

ஆண்களுக்கான உயிர் உற்பத்தித் திறனை மேம்படுத்த….!
இதயத்திற்கு நல்லது……!
இரத்தச்சோகைக்குநிவாரணமளிக்க……!
உடலிலுள்ள நச்சு முழுக்க சுத்திகரிக்க….!
உடலுக்குத் தென்பூட்ட……!
கணைய வீக்கத்தைக் கட்டுப்படுத்தும்……!
கல்லீரல் கோளாறுகளைத் தீர்க்கும்…..!
குடலிலுள்ள வட்டப்புழுக்கள்வெளியேற….!
குடல் தசைகளில் அழிக்கப்பட்டிருக்கும் நல்ல பாக்டீரியாக்களைமீண்டும் உற்பத்தி செய்ய….!
சிறுநீர்க் கோளாறுகளைத் தீர்க்க…..!
நரம்புத் தளர்ச்சி குறைய….!
பித்தத்தைப் போக்க……!
புற்றுநோயைக் குணப்படுத்த……!
மண்ணீரல் வீக்க சிகிச்சையில் பப்பாளி பயன்படுகிறது……!
மனநோய்களைக் குணமாக்குவதில் உதவும்……!
முகப்பருக்களைப் போக்கி, முகச் சுருக்கங்களையும் நீக்க….!
முறையான மாதவிலக்கு ஒழுங்குக்கு உதவும்……!
வயோதிகத்தைக் கட்டுப்படுத்த….!

பப்பாளியை ஒருவர் வெறும் வயிற்றில் சாப்பிட்டால், அதன் ஒட்டுமொத்த நன்மைகளையும் பெறலாம். பப்பாளியை வெறும் வயிற்றில் சாப்பிட்டால் கிடைக்கும் நன்மைகள்.

அழற்சி : பப்பாளியில் புரோட்டீனை உடைத்தெறியும் நொதிகளான பாப்பைன் மற்றும் சைமோபாப்பைன் உள்ளது. இது சருமத்தில் உள்ள புரோட்டீன்களை உடைத்தெறிந்து, இறந்த செல்களை நீக்கி, சருமத்தில் ஏற்பட்ட அழற்சியைத் தடுக்கும்.

ஆர்த்ரிடிஸ் : பப்பாளியில் இருக்கும் முக்கிய நொதிகளான பாப்பைன் மற்றும் சைமோபாப்பைன், ஆர்த்ரிடிஸ், ஆஸ்டியோபோரோசிஸ் மற்றும் ருமடாய்டு ஆர்த்ரிடிஸ் போன்றவற்றின் தாக்கத்தைக் குறைக்கும். இதற்கு பப்பாளியில் உள்ள ஆன்டி-ஆக்ஸிடன்ட்டுகளான வைட்டமின் சி, வைட்டமின் ஈ மற்றும் கரோட்டீன் போன்றவைகள் தான் காரணம். ஆகவே எலும்பு சம்பந்தப்பட்ட பிரச்சனை உள்ளவர்கள், பப்பாளியை அன்றாடம் சாப்பிடுவது மிகவும் நல்லது.

இதயம் : பப்பாளிக்கும், இதயத்திற்கும் ஒரு நல்ல தொடர்பு உள்ளது. பப்பாளி விதையில் உள்ள ஆன்டி-ஆக்ஸிடன்ட்டுகள், இதய நோய்களான மையோகார்டியல் இன்ப்ராக்ஷன், சர்க்கரை நோய் மற்றும் பக்கவாதத்தைத் தடுக்கும். இதில் உள்ள புரோ-கரோட்டினாய்டு பைட்டோ நியூட்ரியண்டுகள் இதயத்திற்கு மிகவும் நல்லது.

இரத்த அழுத்தம் : பப்பாளியில் உள்ள பொட்டாசியம் இதயத் துடிப்பு மற்றும் இரத்த அழுத்தத்தை சீராக பராமரிக்க உதவும். உயர் இரத்த அழுத்தம் கொண்டவர்கள், ஒரு மாதம் தொடர்ந்து பப்பாளியை வெறும் வயிற்றில் சாப்பிட்டால், இரத்த அழுத்த பிரச்சனையில் இருந்து விடுபடலாம்.

எடை குறைவு : பப்பாளி உடல் எடையைக் குறைக்க உதவும். பப்பாளியில் கலோரிகள் குறைவு மற்றும் உடலுக்குத் தேவையான ஊட்டச்சத்துக்கள் அதிகம் நிறைந்துள்ளது. அதோடு பப்பாளி நீண்ட நேரம் பசி எடுக்காமலும் தடுக்கும். ஆகவே எடையைக் குறைக்க நினைப்போர் தினமும் வெறும் வயிற்றில் பப்பாளியை சாப்பிட நல்ல பலன் கிடைக்கும்.

கண்கள் : பப்பாளி கண்களுக்கு நல்லது. பப்பாளியில் உள்ள பீட்டா-கரோட்டீன், கரோட்டினாய்டுகள், லுடீன் போன்ற பைட்டோ-நியூட்ரியண்ட்டுகள் கண்கள் மற்றும் கண் தசைகளுக்கு நல்லது. ஒருவர் தினமும் பப்பாளியை வெறும் வயிற்றில் சாப்பிட்டு வந்தால், கண் சம்பந்தப்பட்ட பிரச்சனைகள் வராமல் தடுக்கலாம்.

குமட்டல் : பப்பாளி குமட்டல், காலைச் சோம்பல் போன்ற பிரச்சனைகளைத் தடுக்கும். இதற்கு பப்பாளியில் உள்ள வைட்டமின் சி, வைட்டமின் ஈ, ஃபோலேட் போன்ற சத்துக்கள் தான் முக்கிய காரணம்.

கொலஸ்ட்ரால் : பப்பாளியில் உள்ள ஆன்டி-ஆக்ஸிடன்ட்டுகள் இரத்தக் குழாய்களில் கொழுப்புக்கள் தேங்குவதைத் தடுக்கும். மேலும் இப்பழத்தை தொடர்ந்து சாப்பிட்டால், இது கொலஸ்ட்ரால் பிரச்சனையில் இருந்து விடுவிக்கவும் செய்யும்.

சளி : பப்பாளியில் இருக்கும் வைட்டமின் ஏ மற்றும் வைட்டமின் சி, நோயெதிர்ப்பு சக்தியை மேம்படுத்த உதவி, சளி, காய்ச்சல், இருமல் போன்றவற்றில் இருந்து பாதுகாக்கும். ஆகவே ஒருவர் தினமும் வெறும் வயிற்றில் பப்பாளியை சாப்பிட்டு வந்தால், இந்த தொல்லைகளில் இருந்து விடுபடலாம். முக்கியமாக பப்பாளி நோயெதிர்ப்பு மண்டலத்தை வலிமைப்படுத்தும்.

செரிமானம் : பப்பாளியில் உள்ள பாப்பைன் மற்றும் சைமோபாப்பைன், செரிமானம் சிறப்பாக நடக்க உதவி புரியும். மலச்சிக்கல் மற்றும் செரிமான பிரச்சனை உள்ளவர்கள், பப்பாளியை உட்கொண்டால், அதில் உள்ள நார்ச்சத்து நல்ல நிவாரணத்தை வழங்கும்.

புற்றுநோய் : பப்பாளியில் உள்ள ஆன்டி-ஆக்ஸிடன்ட்டுகள், புற்றுநோயை உண்டாக்கும் செல்களை எதிர்த்துப் போராட உதவும். இதில் இருக்கும் டயட்டரி நார்ச்சத்துக்கள் குடலில் உள்ள புற்றுநோய் செல்கள் மற்றும் கார்சினோஜெனிக் செல்களை உடலில் இருந்து வெளியேற்றும். அதோடு இதில் உள்ள ஆன்டி-ஆக்ஸிடன்ட்டுகளான வைட்டமின்சி, ஈ, லைகோபைன், பீட்டா-கிரிப்டோஜாந்தின் மற்றும் பீட்டா-கரோட்டீன் புற்றுநோய் தாக்கத்தைத் தடுக்கும்.

முதுமை தோற்றம்: பப்பாளி முதுமைத் தோற்றத்தைத் தடுக்கும். இதற்கு இதில் உள்ள பல்வேறு முக்கிய பைட்டோ-நியூட்ரியண்டுகள் தான் காரணம். ஆகவே பப்பாளியை சாப்பிடலாம் அல்லது பப்பாளியின் தோலை சருமத்தில் 5 நிமிடம் தேய்த்தால், அதில் உள்ள அமிலம் சரும பொலிவை மேம்படுத்தும்.

வயிற்றுப்புழுக்கள்: பப்பாளி வயிற்றுப்புழுக்களை வெளியேற்ற உதவும். அதிலும் பப்பாளியின் விதையை உலர வைத்து அரைத்து பொடி செய்து, 2 டீஸ்பூன் பொடியுடன் சிறிது தேன் கலந்து தினமும் காலையிலும், இரவிலும் உட்கொண்டால், வயிற்றுப் புழுக்கள் அழிந்து வெளியேறிவிடும்.

மருத்துவக் குணங்கள்:

பப்பாளி பழத்தை அடிக்கடி குழந்தைகளுக்கு கொடுத்து வர உடல் வளர்ச்சி துரிதமாகும்.
எலும்பு வளர்ச்சி, பல் உறுதி ஏற்படும். பப்பாளிக் காயை கூட்டாக செய்து உண்டு வர, குண்டான உடல் படிப்படியாக மெலியும்.
தொடர்ந்து பப்பாளிப் பழத்தை சாப்பிட்டு வர கல்லீரல் வீக்கம் குறையும். பப்பாளிப் பழத்தை தேனில் தோய்த்து உண்டு வர நரம்புத் தளர்ச்சி குறையும்.
நன்கு பழுத்த பழத்தை கூழாக பிசைந்து, தேன் கலந்து முகத்தில் பூசி, ஊறிய பின் சுடுநீரால் கழுவி வர முகச்சுருக்கம் மாறி, முகம் அழகு பெறும்.
பப்பாளி விதைகளை அரைத்து பாலில் கலந்து சாப்பிட நாக்குப்பூச்சிகள் அழிந்து விடும்.
பப்பாளிக் காயின் பாலை வாய்ப்புண், புண்கள் மேல் பூச புண்கள் ஆறும்.
பப்பாளிப் பாலை, பசும்பாலுடன் கலந்து சேற்றுப் புண்கள் மேல் தடவி வர புண்கள் ஆறும்.
பப்பாளிப் பாலை குழந்தைகளின் தலையில் ஏற்படும் புண்களில் பூசி வர புண்கள் ஆறும்.
பப்பாளி இலைகளை அரைத்து கட்டி, மேல் போட்டு வர கட்டி உடையும்.
பப்பாளி விதைகளை அரைத்து, தேள் கொட்டிய இடத்தில் பூச வலி, விஷம் இறங்கும்.
பப்பாளிக் காய் குழம்பை, பிரசவித்த பெண்கள் உணவில் சேர்த்து வர பால் சுரப்பு கூடும்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

Medical Articles and Medical Tips are for information and knowledge purpose only.
If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. It is always advised to consult a doctor or to do a patch test before using them to avoid allergic reactions.We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, tips from this site.
The content and the information in this website are for informational and educational purposes only, not as a medical manual. All readers are urged to consult with a physician before beginning or discontinuing use of any prescription drug or under taking any form of self-treatment. The information given here is designed to help you make informed decisions about your health. It is not intended as a substitute for any treatment that may have been prescribed by your doctor. If you are under treatment for any health problem, you should check with your doctor before trying any home remedies.

வெந்நீர் மகத்துவம்

வெந்நீர் மகத்துவம்

படித்ததில் பிடித்தது பகிர்கின்றேன்

வெந்நீரால் எத்தனை பலன்கள்!

ஈஸினோபீலியா, ஆஸ்துமா : ஈஸினோபீலியா, ஆஸ்துமா போன்ற உபாதைகள் இருப்போர், உங்களுக்கு தாகம் எடுக்கும் போதெல்லாம் கண்டிப்பாக வெதுவெதுப்பான வெந்நீர் குடியுங்கள்.

உடம்பு வலிக்கிறதா: உடம்பு வலிக்கிற மாதிரி இருக்கிறதா உடனே வெந்நீரில் கொஞ்சம் சுக்குத்தூள், பனங்கற்கண்டு போட்டு குடியுங்கள். இதன் மூலம் பித்தத்தினால் வரும் வாய்க்கசப்பு மறைந்து விடும். மேலும், உடல் வலிக்கு, நன்றாக வெந்நீரில் குளித்துவிட்டு, இந்த சுக்கு வெந்நீரையும் குடித்துவிட்டுப் படுத்தால், நன்றாகத் தூக்கம் வருவதோடு, வலியும் பறந்துவிடும்.

கால் பாதங்கள் வலிக்கிறதா: எங்காவது அலைந்துவிட்டு வந்து கால் பாதங்கள் வலிக்கிறது என்றால், அதற்கும் நமது வெந்நீர்தான் ஆபத்பாந்தவன். பெரிய பிளாஸ்டிக் டப்பில் கால் சூடு பொறுக்குமளவுக்கு வெந்நீர் ஊற்றி அதில் உப்புக்கல்லைப் போட்டு, அதில் கொஞ்ச நேரம் பாதத்தை வைத்து எடுங்கள். காலில் அழுக்கு இருப்பது போல் தோன்றினால், வெந்நீரில் கொஞ்சம் டெட்டால் ஊற்றி அதில் பாதத்தை வைத்தால், கால் வலி மறைவதோடு, பாதமும் சுத்தமாகிவிடும்.

கைகள் ஆரோக்கியமாக இருக்க: வீட்டில் வேலைக்கு ஆட்கள் இல்லாமல் தாங்களே பாத்திரம் தேய்த்து, துணி துவைக்கும் பெண்கள், வாரத்திற்கு ஒரு முறையேனும் உங்கள் கைகளை வெந்நீரில் கொஞ்ச நேரம் வைத்திருங்கள். இதன் மூலம் நக இடுக்கில் இருக்கும் அழுக்குகள் போய், உங்கள் கைகள் ஆரோக்கியமாக இருக்கும்.

சதை குறையணுமா : வெந்நீர் குடித்தால் உங்கள் உடலில் போடும் அதிகப்படி சதை குறையவும் வாய்ப்பிருப்பதாகச் சொல்கிறார்கள். காலையில் சரியாக

மலம் கழிக்க முடியவில்லை என்று ஃபீல் பண்ணுகிறீர்களா: எடுங்கள் வெந்நீரை! குடியுங்கள் உடனே! இம்மீடியட் எஃபெக்ட் கிடைக்கும்.

தரையை துடைக்கும் போது : தரை துடைக்கும் போது, குறிப்பாக குழந்தைகள், நோயாளிகள் இருக்கும் வீட்டின் தரைகளை வெந்நீர் உபயோகப்படுத்தி துடையுங்கள். கிருமி இல்லாத சுத்தமான தரை உங்களுடையதாகும்!

தாகம் தீர்க்கும் நல்ல வழி : வெயிலில் அலைந்து தாகம் எடுக்கும் போதுவெயிலில் அலைந்து விட்டு வந்து உடனே சில்லென்று ஐஸ்வாட்டர் அருந்துவதைவிட, சற்றே வெதுவெதுப்பான வெந்நீர் அருந்துவது, தாகம் தீர்க்கும் நல்ல வழி.

திடீரென்று கடுமையான தலை வலியா: தலைவலியை உணர்ந்தவுடன் 200 மி.லி அளவு வெந்நீர் அருந்துங்கள். சில நேரங்களில் அஜீரணம் அல்லது குடலில் போதிய அளவு தண்ணீர் இல்லாததால் கூட தலை வலி ஏற்பட வாய்ப்புண்டு. எனவே இளஞ்சூட்டில் வெந்நீர் குடித்தால், உடனடியாக ஜீரணத்தை தூண்டி தலைவலி நீங்கும். அல்லது சூடான காபியை குடியுங்கள். தலைவலிக்கு இதமான மருந்தாக காபி அமையும்.

திருமணம் மற்றும் பார்ட்டிகளில் : திருமணம் மற்றும் பார்ட்டிகளில் நாம் நன்றாக சாப்பிட்டு விட்டு குளிர் பானங்கள் குடிக்காமல் ஒரு கிளாஸ் வெந்நீர் குடியுங்கள் அது உங்களுக்கு உடம்புக்கு நல்ல பலனை தரும்.

நெஞ்சு எரிச்சல் போகணுமா : ஏதாவது எண்ணெய்ப் பலகாரம், சுவீட், அல்லது பூரி சாப்பிட்ட பிறகு நெஞ்சு கரித்துக் கொண்டிருக்கிறதா உடனே எடுங்கள் ஒரு டம்ளர் வெந்நீரை…. மெதுவாகக் குடியுங்கள். கொஞ்ச நேரத்தில் நெஞ்சு எரிச்சல் போயே போச்சு!

நெய், எண்ணெய் பாட்டில்களைக் கழுவ : வீட்டில் நெய், எண்ணெய் பாட்டில் இருந்த பாத்திரங்களைக் கழுவும்போது கொஞ்சம் வெந்நீரை ஊற்றி ஊற வைத்து, அப்புறம் கழுவினால் பிசுக்கே இல்லாமல் பளிச்சென்று சுத்தமாகும்.

மூக்கு அடைப்பா: மூக்கு அடைப்பா நம்ம வெந்நீர்தான் டாக்டர்! வெந்நீரில் விக்ஸ் அல்லது அமிர்தாஞ்சனம் போட்டு அதில் முகத்தைக் காண்பித்தால், மூக்கடைப்பு போயிந்தி!

ஜலதோஷம் பிடித்தவர்களுக்கு : ஜலதோஷம் பிடித்தவர்களும் வெந்நீர் குடித்தால், அது அந்த நேரத்துக்கு நல்ல இதமாக இருப்பதோடு சீக்கிரம் குணமாகும்.

சுக்கு வெந்நீர்:

சுறுசுறுப்புக்கு `சுக்கு வெந்நீர்’: தமிழகத்தைப் பொருத்தவரை நகர்ப்புறங்களிலும், கிராமங்களிலும் பெரும்பாலான வீடுகளில் வாரம் ஒருமுறை சுக்கு வெந்நீர் தயாரித்து குழந்தைகள் முதல் பெரியவர்கள் வரை வீட்டில் உள்ள அனைவருக்கும் கொடுப்பதை வழக்கமாகக் கொண்டிருக்கிறார்கள்.

விருந்து, விழாக்கள், அலுவலகப் பார்ட்டி என்று பல இடங்களிலும், பல்வேறு விதமான உணவு வகைகளைச் சாப்பிட்டு அஜீரணத்திற்கு உள்ளாவோர் இந்த சுக்கு வெந்நீரை 200 மி.லி அளவுக்கு வாரம் ஒரு முறை அருந்தி வந்தால், உடலில் தேவையற்ற கொழுப்புகள் சேராமல் தவிர்ப்பதோடு புத்துணர்ச்சியையும், சுறுசுறுப்பையும் தரும்.

சுக்கு வெந்நீரானது கிராமங்களில் சிறு ஹோட்டல் போன்ற கடைகளில் கிடைக்கும். அல்லது வீட்டிலும் நாமே தயாரித்து பருகலாம்.

சிறிதளவு சுக்கினை சிறுசிறு துண்டுகளாக்கியோ அல்லது பொடித்தோ தண்ணீரில் கொதிக்க வைத்து, வெல்லம், பனங்கற்கண்டு அல்லது கருப்பு கட்டி (பனைவெல்லம்) ஆகிய ஏதாவதொன்றை தேவையான அளவுக்கு சேர்த்து வடிகட்டி குடிக்கலாம்.

சுக்கு உடன் சேர்த்து சாரணவேர், மிளகு, திப்பிலி ஆகியவற்றையும் சேர்த்து கஷாயம் தயாரித்தும் அருந்தி வந்தால் சளி, இருமல் போன்றவே நம்மை அண்டாமல் போயே போய் விடும்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

Medical Articles and Medical Tips are for information and knowledge purpose only.
If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. It is always advised to consult a doctor or to do a patch test before using them to avoid allergic reactions.We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, tips from this site.
The content and the information in this website are for informational and educational purposes only, not as a medical manual. All readers are urged to consult with a physician before beginning or discontinuing use of any prescription drug or under taking any form of self-treatment. The information given here is designed to help you make informed decisions about your health. It is not intended as a substitute for any treatment that may have been prescribed by your doctor. If you are under treatment for any health problem, you should check with your doctor before trying any home remedies.

வெண்பூசணிச் சாற்றின் பயன்கள்

வெண்பூசணிச் சாற்றின் பயன்கள்

படித்ததில் பிடித்தது , தெரிந்து கொண்டதை பகிர்கின்றேன்

வெள்ளைப் பூசணியில் விட்டமின் பி, சி-யுடன், கால்சியம், பொட்டாசியம், இரும்புச்சத்து, பாஸ்பரஸ் மற்றும் நார்ச்சத்தும் வளமாக நிறைந்துள்ளது. முக்கியமாக இதில் நீர்ச்சத்து அதிகம் உள்ளது. பூசணிக்காயில் நார்ச்சத்து அதிகம். பூசணி அடிக்கடி உணவில் சேர்ப்பது நோய் எதிர்ப்பு சக்தியை தக்கவைக்கும்.

கொடிய நோய்களுக்கு மருந்து

வெண்பூசணி நெய் அல்லது கூழ்பாண்ட கிருதம் என்ற இந்தப் பூசணி நெய்யைச் சாப்பிட்டு வந்தால் சூலை நோய்கள் நிவர்த்தியாகும். தோல் நோய்கள், பெண்குறிப் புற்று முதலியன நீங்கும். உடல் சூடு, சூட்டுடன் எரிச்சல், நீர்க்கட்டு, நீர்க்குத்து முதலியன ஆண்களுக்கும், பெண்களுக்கும் நிவர்த்தியாகும். அஸ்திவெட்டை, கிராணிக்கழிச்சல், எலும்புருக்கி முதலிய கொடிய நோய்கள் நிவர்த்தியாகும்.

சிறுநீரகம் சம்பந்தமான நோய் உள்ளவர்கள் பூசணிக்காய்ச் சாறு 120 மில்லியில் ஒரு தேக்கரண்டி சர்க்கரையும், இரண்டு தேக்கரண்டி தேனும் கலந்து சாப்பிட்டு வந்தால், நோய்கள் முழுமையாக நிவர்த்தியாகும்.

வெண்பூசணிச் சாற்றின் பயன்கள், மருத்துவ குணங்கள்

அரை கப் வெண்பூசணிச் சாற்றுடன் அரை கப் தண்ணீர் கலந்து தினமும் காலையில் பருகி வர கிடைக்கும் நன்மைகள்:

அல்சர் பிரச்சனையால் அவதிப்படுபவர்களுக்கு வெள்ளை பூசணி சாறு உடனடி பலனைத் தரும்.
இரத்த விருத்தியைத் தரும். இரத்தத்தை சுத்தப்படுத்தும்.
உடலில் அமிலத்தன்மையை சமன்படுத்த பெரிதும் உதவுகிறது.
உடல் உஷ்ணத்தை குறைக்கும்.
உடல் எடையை கட்டுப்படுத்துவதுடன் எடை அதிகரிப்பினால் ஏற்படும் கால் மூட்டுவலியைக் குறைக்கும்.
குடலில் உள்ள நாடாப்புழுக்கள் வெளியேறவும் உதவும்.
சோம்பலை நீக்கி புத்துணர்வை கொடுக்கும்.
திருஷ்டி தோஷங்கள், மருந்தீடுகள், கிரக பீடைகள் விலகும்.
தூக்கமின்மைக்கும் சிறந்த மருந்தாகப் பயன்படுகிறது.
நீர்க்கோர்வை, இருமல், கபம் போன்றவற்றை நீக்கும்.
நுரையீரல் நோய், இருமல், ஜலதோஷம், நெஞ்சுச்சளி, நீரிழிவு, தீராத தாகம், வாந்தி, தலைசுற்றல் நீக்கப் பயன்படுகிறது.
மாதவிடாய் பிரச்சனைகளை கட்டுப்படுத்தும்.
மூளையைச் சுறுசுறுப்பாக வைக்கும்.
ரத்த சுத்திக்கும், ரத்தக்கசிவு நீங்கவும், வலிப்பு நோய் சீராகவும்,
வெள்ளைப்படுதலை கட்டுப்படுத்தும்.

வயிற்றுப் புண்ணுக்கு: வெண்பூசணிச்சாற்றுடன் சம அளவு தண்ணீர் கலந்து காலையில் வெறும் வயிற்றில் சாப்பிட்டு மூன்று மணி நேரத்திற்கு வேறு எதுவும் சாப்பிடாமல் இருப்பது வயிற்றுப் புண்ணுக்குச் சிறந்த மருந்தென்றும் தொடர்ந்து பல நாட்கள் சாப்பிட வயிற்றுப் புண் முழுமையாகக் குணமாகிவிடுமென்றும் குறிப்பிடுகின்றனர்.

உடல் சூடு தணியும். அதுமட்டுமின்றி, உடலில் நீர்ச்சத்து அதிகரித்து, உடல் குளிர்ச்சியுடன் இருக்கும்.

குடற்புழுக்களை வெளியேற்ற: மலச்சிக்கல் குறையும். குறிப்பாக நாடாப் புழுக்களுடன் இதரக் குடற்புழுக்களை வெளியேற்றும்.

சர்க்கரை நோயாளிகளுக்கு: கலோரி குறைந்த உணவென்பதால் சர்க்கரை நோயாளிகளுக்குச் சிறந்த உணவு எனப்படுகிறது. கழிவு நீக்கியாகச் செயலாற்றி சிறுநீர் வெளியேற்ற உதவுகிறது.

உடல் எடையை குறைக்க : பூசணிக்காயில் நார்ச்சத்து அதிகமாக இருப்பதால் உடல் எடையை குறைக்க மிகவும் உதவும்.

புண்களை ஆற்ற, தழும்புகளை காணாமல் போகச் செய்யவும் பூசணிக்காய் பயன்படும்.

பூசணிக்காய் விரும்பி சாப்பிடுபவர்களுக்கு கண் பார்வை சிறப்பாக இருக்கும்.

அதுமட்டுமின்றி, அதிக காரமான உணவுகள் மற்றும் நீண்ட நேரம் உணவு உட்கொள்ளாமல் இருந்தால் ஏற்படும் அசிடிட்டி பிரச்சனையை எதிர்த்துப் போராடவும் வெள்ளை பூசணி சாறு உதவும்.

தினமும் காலையில் வெள்ளை பூசணி சாறுடன் தேன் கலந்து குடித்து வந்தால், வயிற்றில் உள்ள புழுக்கள் வெளியேற்றப்பட்டு, வயிற்றில் தொற்றுகள் ஏற்படுவதைத் தடுக்கலாம்.

உடல் சூட்டினால் கஷ்டப்படுபவர்கள், வெள்ளைப் பூசணி சாறை குடித்து வந்தால், உடல் சூடு தணியும். அதுமட்டுமின்றி, உடலில் நீர்ச்சத்து அதிகரித்து, உடல் குளிர்ச்சியுடன் இருக்கும்.

வெள்ளை பூசணி சாறை தினமும் காலையில் குடித்து வாருங்கள். இதில் கலோரிகள் மிகவும் குறைவாகவும், நீர்ச்சத்து அதிகமாகவும் உள்ளது. இதனால் எடை குறைவதோடு, உடலில் உள்ள கெட்ட நீரை வெளியேற்றிவிடும்.

வெள்ளை பூசணி சாற்றில் தேன் கலந்து தினமும் காலை, மாலை என இருவேளையில் குடித்து வந்தால், இரத்தம் சுத்தமாகும். உடலில் இரத்தம் சுத்தமாக இருந்தால், எவ்வித நோய்த்தொற்றுகளும் ஏற்படாமல் தடுக்கலாம்.

சிறுநீரகத்தில் தொற்று ஏற்பட்டு, சிறுநீருடன் இரத்தம் வெளிவருவது, அல்சரினால் உடலினுள் இரத்தக் கசிவு ஏற்படுவது, பைல்ஸ் போன்றவற்றினால் ஏற்படும் இரத்தக்கசிவு போன்றவற்றிற்கு வெள்ளை பூசணி சாறு நல்ல பலனைத் தரும். சிறுநீரகம் சம்பந்தமான நோய் உள்ளவர்கள் பூசணிக்காய்ச் சாறு 120 மில்லியில் ஒரு தேக்கரண்டி சர்க்கரை அல்லது தேன் கலந்து சாப்பிட்டு வந்தால், நோய்கள் முழுமையாக குணமாகும்.

எலெக்ட்ரோலைட் சமநிலைக்கு உதவ: உடற்பயிற்சி செய்துவிட்டு சாப்பிடும் உணவில் பூசணிக்காய் சேர்த்துக்கொள்வது எலெக்ட்ரோலைட் சமநிலைக்கு உதவும். காய்ச்சல் மற்றும் சளியை குணப்படுத்தவும் பூசணி மிகவும் ஏற்றது.

காலையில் வெள்ளைப் பூசணி சாறு குடிப்பதால் கிடைக்கும் நன்மைகள்

வெண்பூசணிக்காயின் சாறு 30 மில்லியளவு எடுத்து ஒரு தேக்கரண்டி தேன் சேர்த்துச் சாப்பிட்டால் இதய பலவீனம் நீங்கும். ரத்தசுத்தியாகும். பெண்களின் வெள்ளைப் போக்கு நீக்கவும் வெண்பூசணி பயன்படுத்தப்படுகிறது. நுரையீரல் நோய், இருமல், ஜலதோஷம், நெஞ்சுச்சளி, நீரிழிவு, தீராத தாகம், வாந்தி, தலைசுற்றல் நீக்கப் பயன்படுகிறது. ரத்த சுத்திக்கும், ரத்தக்கசிவு நீங்கவும், வலிப்பு நோய் சீராகவும், குடலில் உள்ள நாடாப்புழுக்கள் வெளியேறவும் உதவும்.

Disclaimer: A compilation from various posts from Internet, Facebook, WhatsApp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

Medical Articles and Medical Tips are for information and knowledge purpose only.
If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. It is always advised to consult a doctor or to do a patch test before using them to avoid allergic reactions.We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, tips from this site.
The content and the information in this website are for informational and educational purposes only, not as a medical manual. All readers are urged to consult with a physician before beginning or discontinuing use of any prescription drug or under taking any form of self-treatment. The information given here is designed to help you make informed decisions about your health. It is not intended as a substitute for any treatment that may have been prescribed by your doctor. If you are under treatment for any health problem, you should check with your doctor before trying any home remedies.

பக்த ராமதேவ்

பக்த ராமதேவ்

படித்ததில் பிடித்தது, மகிழ்ந்தேன் பகிர்ந்தேன்

மூட்டை தூக்கும் தொழிலாளியான ராமதேவ் தினமும் மாலையில் நீராடி, ஸ்ரீபாண்டுரங்கனைப் பாடி பூஜித்து, பழம்- கற்கண்டுகளை பக்தர்களுக்கு வழங்கி வந்தான். சம்பாதிப்பதில் ஒரு பங்கை உண்டியலில் சேமித்து வைத்து, வருடா வருடம் பண்டரிபுரம் சென்று, விட்டலனுக்கு வஸ்திரம் சமர்ப்பிப்பது வழக்கம். உண்டியல் பணத்தை எண்ணினான் ராமதேவன்.

‘இதில் விட்டலனுக்கு நூல் வேஷ்டியும் அங்க வஸ்திரமும்தான் வாங்க முடியும்’ என வருந்தினான். பிறகு மனதைத் தேற்றியபடி, நூல் வேஷ்டி மற்றும் அங்க வஸ்திரத்தை வாங்கிக் கொண்டு பண்டரிபுரம் நோக்கி நடந்தான்.

ஏழைக்கு இரங்குபவனேவழியில், அழுக்கு வேஷ்டியும் கிழிந்த துண்டுமாய் பெரியவர் ஒருவர் பின்னே வந்தார். ராமதேவிடம் அவர், ”தாங்கள் எங்கு செல்கிறீர்கள்?” என்று கேட்டார். உடனே அவன், ”விட்டலவனை தரிசிக்க பண்டரிபுரம் செல்கிறேன் சாமி” என்றான் உற்சாகத்துடன்.

”அப்படியா! நானும் அங்குதான் செல்கிறேன். பண்டரிபுரம் செல்வதற்கு, குறுக்குப் பாதை ஒன்று உள்ளது. எனக்கு அந்த வழி தெரியும். சந்திரபாகா நதியில் குளித்து விட்டு, மாலையில் விட்டலனை தரிசிக்கலாம்” என்று ராமதேவனை அழைத்தார் பெரியவர். அவனும் சம்மதித்தான்.

பின்னர் இருவரும் பேசிக் கொண்டே வந்ததில், களைப்பே தெரியவில்லை. பெரியவர் சொன்னபடி மாலை வேளை துவங்கும் முன்பே கோயிலுக்கு அருகில் உள்ள சந்திரபாகா நதிக்கரையை அடைந்தனர்.

பண்டரிநாதனுக்கு சமர்ப்பிப்பதற்காகக் கொண்டு வந்த வஸ்திரத்தை ஒரு பையிலும், தான் குளித்து விட்டு உடுத்திக் கொள்ளும் ஆடையை வேறொரு பையிலுமாக வைத்திருந்தான் ராமதேவ். இரண்டு பைகளையும் கரையில் வைத்து விட்டுக் குளிக்கச் சென்றான். பெரியவரும் நீரில் இறங்கினார்.

தான் அணிந்திருந்த வேஷ்டியை, அங்கு இருந்த கல்லில் அடித்துத் துவைத்து, அலசி, கரையில் காய வைத்தான் ராமதேவ். பெரியவரோ, துவைப்பதற்கு சிரமப்பட்டார். இதை அறிந்த ராமதேவ், அவரது வேஷ்டியை வாங்கித் துவைத்து, நீரில் அலசிப் பிழிந்தான்.

பிறகு வேஷ்டியை காய வைக்க விரித்தவன், அதிர்ந்து போனான். ஏற்கெனவே கிழிந்திருந்த வேஷ்டி, இப்போது பல இடங்களில் கிழிந்திருந்தது. பெரியவரிடம் மாற்று வேஷ்டி கூட இல்லை.

பெரியவர் அப்போதே சொன்னார் – ‘கடந்த வருடம் அன்பர் ஒருவர் கொடுத்த வேஷ்டி இது. ரொம்பவே கிழிந்து விட்டது. ஜாக்கிரதையாக துவையுங்கள்’ என்று! இப்போது இந்த வேஷ்டி பாழாகி விட்டதே…! குளித்து விட்டு எதை உடுத்துவார்? நம்மிடமும் ஒரே ஒரு மாற்று வேஷ்டிதானே உள்ளது?

புதிதாக வேஷ்டி வாங்கித் தரலாம் என்றால் பணமும் இல்லையே? பாண்டுரங்கா… என்ன செய்வது என்று புலம்பினான் ராமதேவ். ”என்ன ராமதேவா! என் வேஷ்டி காய்ந்து விட்டதா?” என்று கேட்டபடி கரைக்கு வந்தார் பெரியவர். இடுப்பில் துண்டு மட்டுமே உடுத்தி இருந்தார்.

”பெரியவரே! உங்கள் வேஷ்டியை அடித்துத் துவைத்ததில், நார்நாராகக் கிழிந்து விட்டது. என்னை மன்னியுங்கள்” என்றான் ராமதேவ். இதைக் கேட்டதும், ”எனது நிலை இப்படியாகி விட்டதே. இப்போது என்ன செய்வது?” என்று கவலைப்பட்டார் பெரியவர்.

”வருந்த வேண்டாம் சுவாமி. பாண்டுரங்கனுக்கு சமர்ப்பிக்கப் புது வேஷ்டியும் அங்கவஸ்திரமும் எடுத்து வந்திருக்கிறேன். இதை உடுத்திக் கொள்ளுங்கள்” என்று பாண்டுரங்கனுக்காக வாங்கிய வேஷ்டி- அங்கவஸ்திரத்தைப் பையில் இருந்து எடுத்துக் கொடுத்தான் ராமதேவ்.

”அடடா… என்ன காரியம் செய்கிறாய்?” என்று வேஷ்டியை வாங்க மறுத்தார் பெரியவர்.

”பெரியவரே! பாண்டுரங்கனுக்கு பட்டு, பீதாம்பரம் போன்ற விலை உயர்ந்த வஸ்திரங்களை வழங்க பலர் உள்ளனர். கடந்த முறை இதேபோல், சாதாரண நூல் வேஷ்டியும், அங்கவஸ்திரமும் வாங்கி வந்தேன். இதை அணிவிக்க மறுத்து விட்டார் அர்ச்சகர்.

‘பாண்டுரங்கனுக்கு பட்டும் பீதாம்பரமும்தான் அழகு. நீ கொண்டு வந்த நூல் வேஷ்டியைக் கோயில் வாசலில் இருக்கும் பிச்சைக் காரனுக்குக் கொடுத்து விட்டுப் போ’ என்று ஏளனமாகப் பேசினார். பிறகு வயதான ஒருவருக்குத் தானமாகக் கொடுத்தேன்.

இப்போதும் அதேபோல் நூல் வேஷ்டி தான் எடுத்து வந்துள்ளேன். இதைப் பார்த்ததும், அந்த அர்ச்சகர் வழக்கம் போல் வேஷ்டியைப் புறக்கணிப்பார். இதற்கு உங்களுக்குக் கொடுக்கலாமே? ஏழையின் சிரிப்பில்தானே ஆண்டவன் இருக்கிறான்” என்றான் ராமதேவ்.

அதன் பின், வேஷ்டியை வாங்கிக் கொள்ளச் சம்மதித்தார் பெரியவர்.
அத்துடன் ”ராமதேவா! வயதாகி விட்டதால் கைகள் நடுங்குகின்றன. நீயே எனக்கு அணிவித்து விடேன்!” என்றார்.

அதன்படி வேஷ்டியை அவரது இடுப்பில் கட்டிவிட்டவன், அங்கவஸ்திரத்தை அவரது தோளில் அணிவித்தான். ”ஆஹா! இப்போது நீங்கள், அந்த பண்டரிநாதனைப் போலவே இருக்கிறீர்கள்” என்றான் முகம் மலர. அந்தப் பெரியவர் மெள்ள புன்னகைத்தார்.

பின்னர் இருவரும் நெற்றியில் திருநாமம் தரித்துக் கொண்டு கோயிலுக்குச் சென்றனர். ராமதேவனுக்குப் பின்னே பெரியவர் வந்து கொண்டிருந்தார்.
அன்றைக்கு பாண்டுரங்கனை தரிசிக்க ஏகக் கூட்டம். ராமதேவ் திரும்பிப் பார்த்தான். பெரியவரைக் காணோம்.

பல இடங்களிலும் தேடினான். ‘சரி… பாண்டுரங்கனை தரிசித்து விட்டு, மீண்டும் பெரியவரைத் தேடுவோம்’ என்று சந்நிதிக்கு வந்தான்.

அங்கே… ராமதேவன் வாங்கி வந்த நூல் வேஷ்டியையும் அங்கவஸ்திரத்தை யும் அணிந்தபடி காட்சி தந்தார் பரம தயாளனான அந்த பாண்டுரங்கன்.
வியப்பில் மூர்ச்சித்து நின்றான் ராமதேவன்.

”பகவானே! பெரியவராக என்னுடன் வந்தது நீதானா? பட்டு- பீதாம்பரத்தை ஏற்கும் அர்ச்சகர்கள், குறைந்த விலையில் உள்ள வேஷ்டியையும், அங்கவஸ்திரத்தையும் அணிவிக்க மாட்டார்கள் என்று நேராக என்னிடமே வந்து, என் கையாலேயே உனக்கு அணிவிக்கும் பாக்கியத்தையும் வழங்கி விட்டாய். என்னே உன் கருணை…” என்று பாண்டுரங்கனை விழுந்து வணங்கினான் ராமதேவ்.

அப்போது, ‘ஏழைகளுக்கு இரக்கம் காட்டுபவனே உண்மையான பக்தன்’ என்று அசரீரி வாக்கு கருவறையில் இருந்து எழுந்தது. கூடி இருந்த பக்தர்கள், ராமதேவனின் பக்தியை நினைத்துச் சிலிர்த்தனர்.

பண்டரிநாத் மகாராஜ் கீ ஜெய் …!
விட்டல விட்டல
ஜெய் ஹரி விட்டல
விட்டல விட்டல
பாண்டுரங்க விட்டல
பண்டரிநாத விட்டல

Disclaimer: A compilation from various posts from Internet, Facebook, Whatsapp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

குல்கந்து சாப்பிடுவதால் ஏற்படும் நன்மைகள்

குல்கந்து

குல்கந்து சாப்பிடுவதால் ஏற்படும் நன்மைகள்

குல்கந்து, பன்னீர் ரோஜா இதழ்களினால் தயாரிக்கப்படும் ஒரு சுவை மிகு ஆயுர்வேத மருந்து ஆகும். இது பல வகையான நோய்களுக்கு சிறந்த மருந்தாக விளங்குகிறது.

அமிலத்தன்மை, இரைப்பை ஒவ்வாமை, வயிற்றுப்போக்கு, அஜீரணம், முகப்பரு, உடலின் நாற்றங்கள், தசைப்பிடிப்பு, உயர் இரத்த அழுத்தம், மன அழுத்தம் முதலிய நோய்களுக்கு சிறந்த மருந்தாகும்.

எளிதில் தயாரிக்கப்படும் இது சிறந்த ஆயுர்வேத மருந்துகளின் கீழ் பட்டியலிடப்பட்டுள்ளது. இரவு தூங்கும் முன் குல்கந்து சாப்பிடுவது மிகவும் நல்லது. அதிக பிரச்சனைகள் இருக்கும் பாசத்தில் ஒரு நாளைக்கு இரண்டு அல்லது மூன்று முறை சாப்பிடலாம்.

ரோஜா குல்கந்து நன்மைகள்

ஆண்மை குறைபாடு: உடல் உஷ்ணம் அதிகம் இருப்பவர்களுக்கும், வெப்பம் நிறைந்த இடங்களில் பணி புரிகின்ற ஆண்களுக்கும் அவர்களின் விந்தணுக்கள் குறைத்து மலட்டுத்தன்மை ஏற்படுகின்றன வாய்ப்புகள் அதிகமாகின்றன. ரோஜா குல்கந்து உடலை குளிர்ச்சி படுத்துகிற ஒரு உணவாகும். இதை சாப்பிடும் ஆண்களுக்கு விந்தணுக்கள் பெருக்கம் ஏற்பட்டு மலட்டுத்தன்மை நீங்கும்.

ஆண்மை பெருக்கி: குல்கந்து ஆண்மை பெருக்கி. உடலுக்கு வலிமை ஊட்டும். இதன் இதழ்களில் உள்ள எண்ணை ஆண்மை வலிமையை அதிகரிப்பதாக கருதப்படுகிறது. இது குறைவான அல்லது பலவீனமான விந்தணுக்கள் உள்ள ஆண்களில் விந்து குறைபாடுகளை சரிசெய்கிறது.

இதயம்: நமது உடலின் முக்கிய உறுப்பான இதயத்தை ஆரோக்கியமாக வைத்திருந்தாலும், இதயத்திற்கு நலத்தை தருகின்ற உணவுகள் மற்றும் மூலிகைகளை சாப்பிட்டு வருவது நல்லது. ரோஜா குல்கந்து சாப்பிடும் நபர்களுக்கு ரத்த அழுத்தம் வெகுவாக குறைந்து, இதயம் சம்பந்தமான நோய்கள், பாதிப்புகள் ஏற்படாமல் தடுக்கிறது.

இளமை தோற்றம் : அனைவருக்குமே எப்போதும் இளமையாக தோற்றமளிக்க வேண்டும் என்கிற ஆவல் இருக்கத்தான் செய்கிறது. இதற்காக விலையுர்ந்த பல அழகு சாதன பொருட்களை பயன்படுத்துவதை விட ரோஜா குல்கந்தை அடிக்கடி சாப்பிட்டு வருவதால் உங்களின் தோலின் செல்களின் வளர்ச்சியை மேம்படுத்தி பளபளப்பை அதிகரித்து, சுருக்கங்களை போக்கி, இளமை தோற்றத்தை நீடிக்க செய்கிறது.

உடல் துர்நாற்றம்: உடலில் அதிகம் வியர்வை சுரக்கும் நபர்களுக்கும், மாமிசம் உணவுகள் அதிகம் சாப்பிடும் நபர்களுக்கும் உடல் துர்நாற்றம் அதிகம் இருக்கும். அவர்களது உடல் துர்நாற்றம் போக்க குல்கந்து மிகவும் உதவியாக இருக்கும். அது வியர்வையினால் உண்டாகும் விஷ தன்மையை உங்கள் உடலில் இருந்து நீக்கி உங்கள் உடலை குளிர வைக்கிறது. எனவே கோடை களங்களில் காலங்களில் ரோஜா குல்கந்து அதிகம் சாப்பிடுவது மிகவும் நல்லது.

தோல்: இது தோல் எரிச்சலை கட்டுப்படுத்தி அதன் அறிகுறியைக் குறைக்க உதவுகிறது. மேலும் பருக்கள், கறைகள் போன்ற தோற்றத்தை சரிசெய்கிறது.

மயக்கம்: ஒரு சிலருக்கு வெளியில் செல்லும் போது மயக்கம் ஏற்படும், அதிலும் குறிப்பாக கோடைகாலங்களில் உடலின் உஷ்ணம் அதிகரித்து ரத்த ஓட்டம் மூளைக்கு செல்லாமல் சுணங்குவதால் இத்தகைய மயக்க நிலை ஏற்படுகிறது. இப்படிபட்டவர்கள் வெளியே செல்லும் போது சிறிது குல்கந்தை சாப்பிட்டு செல்வதால் மயக்க நிலை ஏற்படாமல் தடுக்க முடியும்.

மலச்சிக்கல்: ரோஜா இதழ்கள் கொண்டு செய்யப்படும் குல்கந்திற்கு வயிற்றில் இருக்கும் செரிமான அமிலங்களின் சம நிலையை சீர் செய்கிற சக்தி அதிகம் உள்ளது. இது செரிமானம் நடக்க மிகவும் உதவியாக இருக்கிறது. மேலும் உங்கள் பசியை மேம்படுத்த உதவுகிறது. மலச்சிக்கல் குறைய இது ஒரு சிறந்த மருந்து ஆகும். கர்ப்பிணிப் பெண்ணுகளுக்கு மலச்சிக்கல் ஏற்படாமல் இருக்க ரோஜா குல்கந்தை எக்காலத்திலும் சாப்பிடலாம்.

மாதவிடாய்: பெண்களுக்கு மாதந்தோறும் ஏற்படும் மாதவிடாய் உதிரப்போக்கு ஒரு இயற்கையான நிகழ்வாகும். ஆனால் சில பெண்களுக்கு இந்த மாதவிடாய் காலத்தில் ரத்த போக்கு அதிகரிப்பதும், அடிவயிற்று வலி ஏற்படவும் செய்கிறது. இத்தகைய காலங்களில் பெண்கள் காலையில் ரோஜா குல்கந்து சாப்பிட்டு வந்தால் மாதவிடாய் சம்பந்தமான அனைத்து பிரச்சனைகளும் சரியாகும்.

முகப்பரு, கொப்பளங்கள்: தீக்காயங்கள் ஏற்படுவதால் ஏற்படும் கொப்புளங்களை சீக்கிரத்தில் குணமாக்கவும், முகப்பருக்கள் ஏற்படுவதை குறைக்கவும் ஆங்கில மருந்துகளை சாப்பிடுவதை விட, தினமும் காலையில் ரோஜா குல்கந்து சாப்பிட்டு வந்தால் கொப்பளங்கள் விரைவில் குணமாகும். முகத்தில் பருக்கள் ஏற்படுவது குறையும். பருக்களால் ஏற்பட்ட கருந்தழும்புகள் மறையும்.

வயிற்று பிரச்சனைகள்: நாம் சாப்பிடும் உணவுகளை செரிமானம் செய்து நமக்கு சக்தியை அளிக்கும் பணியை நமது வயிறு மற்றும் குடல்கள் செய்கின்றன. வயிற்றுப்போக்கு, வயிற்று புண்கள் மற்றும் இதர குடல் பிரச்சனைகள் நீங்க குல்கந்தை தினசரி ஒரு சில தேக்கரண்டி சாப்பிட்டு வந்தால் வயிற்றுப்போக்கு நிற்கும். இது வயிற்றில் வெப்பத்தை குறைத்து, வயிற்றுப்புண், குடல்புண்கள் மற்றும் வயிறு வீக்கம் குறைக்க உதவுகிறது

வாய்ப்புண்: உடலில் உஷ்ணம் அதிகரிக்கும் போதும், காரமான உணவுகளை அதிகம் உண்பதாலும் பலருக்கு வாய்ப்புண்கள் ஏற்படுகிறன. இதற்கு மருந்தாக ரசாயனங்கள் கலந்த மருந்துகளை பயன்படுத்துவதை விட ரோஜா குல்கந்து சிறந்த நிவாரணமாக இருக்கிறது. குல்கந்து உடலில் குளிர்ச்சியை ஏற்படுத்தி, வாய் புண் உருவாவதை குறைத்து அதனால் ஏற்படும் எரிச்சல் உணர்வு மற்றும் வலியை குறைக்க உதவுகிறது.

ஜீரணக் கோளாறு நீங்க: குல்கந்து வயிறு கோளாறுகளை நீக்கும். உடலின் பித்த அளவை சீராக்குகிறது. ஜீரண சக்தியை அதிகரித்து, பித்த பிரட்டலை குறைக்கும். அதிக அமில சுரப்பை குறைக்கும். அல்சர்களுக்கு மருந்தாகும். மலமிளக்கியாக செயல்பட்டாலும், குல்கந்து மலச்சிக்கலுக்கும் நல்லது.

குல்கந்தினை எப்படி செய்வது 1

குல்கந்து செய்ய தேவையான பொருட்கள்:

ரோஜா பூ – 1
பெரிய கற்கண்டு – 4 துண்டு
தேன் – தேவையான அளவு

குல்கந்து செய்முறை :

முதலில் ஒரு பெரிய ரோஜா பூ எடுத்து அதன் இதழ்களை பிரித்து நிழலில் காயவைக்கவும். பிறகு அதனுடன் பெரிய கற்கண்டினை எடுத்து இரண்டையும் ஒன்றாக சேர்த்து நன்றாக லேகிய பக்குவத்திற்கு இடிக்கவும்.

நன்றாக எடுத்து லேகிய பக்குவம் வந்ததும் அதனை ஒரு குடுவையில் போட்டு வைத்தால் குல்கந்து தயார். தினமும் அதனை சாப்பிடும் போது அதனுடன் சுத்தமான தேன் கலந்து சாப்பிடவேண்டும் .

பெரியவர்கள் சாப்பிட்டால் ஒரு ஸ்பூன், சிறியவர்கள் சாப்பிட்டால் 1/2 ஸ்பூன். குல்கந்து செய்முறை மிகவும் சுலபம் நல்ல பயனுடைய ஒன்று இந்த குல்கந்து.

வீட்டிலேயே செய்யலாம் ரோஜா குல்கந்து 2

ரோஜா பூக்கள் மருத்துவ குணம் நிறைந்தது. ரோஜா பூவில் இருந்து தயாரிக்கப்படும் “குல்கந்து” இதயத்திற்கு பலம் தரும் மருந்தாகவும், ஆண்மை பெருக்கியாகவும் செயல்படுவதாக ஆயுர்வேத மருத்துவர்கள் தெரிவித்துள்ளனர்.

செய்முறை:

பூச்சிகள் இல்லாத, கிருமிநாசினி தெளிக்காத செடிகளிலிருந்து புதிதாகப் பூத்த ரோஜாக்களாகத் தெரிந்து பறித்துக் கொள்ளவும். பூக்களைப் பறிக்கக் காலை வேளையே ஏற்றது. பூக்களின் இதழ்களைப் பிரித்து எடுக்கவும்.

இதழ்களை ஓடும் நீரில் அலம்பிக் கொள்ளவும். நீரை வடிய விட்டு எடுக்கவும். (சாலட் ஸ்பின்னரில் போட்டு சுற்றினால் விரைவாக வடிந்து விடும்.) நீர் வடிந்ததும் இதழ்களை நிறுத்துக் கொள்ளவும். இதழ்களின் ஒன்றரை மடங்கு எடை கற்கண்டு நிறுத்து எடுத்துக் கொள்ளவும்.

கற்கண்டை உரலில் போட்டுப் பொடிக்கவும். அதனோடு ரோஜா இதழ்களையும் சேர்த்து இடிக்கவும். அனைத்தையும் சுத்தமான, உலர்ந்த சீசா ஒன்றில் போட்டு, வாயை துணியால் கட்டி இரண்டு நாட்கள் வெயிலில் வைக்கவும்.

மூன்றாவது நாள் (அல்லது கலவை அதிகம் வரண்டு காணப்படும் சமயம்) மூன்று மேசைக்கரண்டி தேன் சேர்த்துக் கலந்து மீண்டும் வெயிலில் வைக்கவும்.

காலநிலையைப் பொறுத்து நான்கு அல்லது ஐந்து நாட்களில் ரோஜா இதழ்கள் பதமாகி இருக்கும். அதன் பின்னர், சீசாவை இறுக்கமாக மூடி வைத்து தேவையான போது பயன்படுத்தலாம். எடுப்பதற்கு எப்பொழுதும் சுத்தமான உலர்ந்த கரண்டியைப் பயன்படுத்தவும்.

Disclaimer: A compilation from various posts from Internet, Facebook, Whatsapp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.

Medical Articles and Medical Tips are for information and knowledge purpose only.

If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. It is always advised to consult a doctor or to do a patch test before using them to avoid allergic reactions.We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, tips from this

ஆஞ்சநேயர் மந்திரங்கள்

ஆஞ்சநேயர் மந்திரங்கள்

படித்ததில் பிடித்தது பகிர்ந்தேன்

ஆஞ்சநேயர் மந்திரங்களை உரைக்க படிப்பவரை எந்த ஒரு தீய சக்தியும் தாக்காது. இது உங்கள் குடும்ப உறுப்பினர்களிடம் மனது மற்றும் ஆன்மாவில் நிலவும் அனைத்து வித எதிர்மறை எண்ணங்களை போக்கி, அமைதியையும் நல்லிணக்கத்தையும் ஏற்படுத்தும்.

ஆஞ்சநேயர் மந்திரங்களுக்கு பிண்ணயில் உள்ள புராணக்கதை

ஒரு முறை அவுரங்கசீப்பை சந்திக்க துளசிதாஸ் சென்றிருந்தார். துளசிதாஸை பரியாசம் செய்த பேரரசர், கடவுளை தனக்கு காண்பிக்க சொல்லி சவால் விட்டார். உண்மையான பக்தி இல்லாமல் ராம பிரானை பார்ப்பது இயலாது என சாமார்த்தியமாக பதிலளித்தார் கவி. இதன் விளைவாக, அவுரங்கசீப்பால் சிறைப் பிடிக்கப்பட்டார் துளசிதாஸ். சிறையில் இருந்த காலத்தில் தான் ஆஞ்சநேயர் மந்திரங்கள் என்ற இந்த அற்புதமான செய்யுளை அவர் இயற்றினார் என நம்பப்படுகிறது.

காலையில் குளித்த பிறகு மட்டுமே இந்த மந்திரங்களை படிக்க வேண்டும். சூரிய அஸ்தமனத்திற்கு பிறகு இதனை படிக்க வேண்டுமானால் உங்கள் கைகள், பாதங்கள் மற்றும் முகத்தை முதலில் கழுவ வேண்டும். ஆஞ்சநேயர் மந்திரங்களை ஓதும் போது, தீய சக்திகளில் இருந்து விடுபடுதல் உட்பட மிகப்பெரிய பிரச்சனைகள் வரை, ஆஞ்சநேயரின் ஆன்மீக பங்களிப்பு இருக்கும்

புராணக் கதைகளின் படி, சனி பகவானுக்கு ஆஞ்சநேயர் என்றால் பயமாகும். அதனால் ஆஞ்சநேயர் மந்திரங்கள் படித்தால், சனியின் தாக்கங்கள் சற்று குறையும் என நம்பப்படுகிறது. ஜாதகத்தில் திசை இருக்கும் நிலையால் அவதிப்படுபவர்கள் ஆஞ்சநேயர் மந்திரங்களை படிக்க வேண்டும்; குறிப்பாக சனிக்கிழமைகளில். இதனால் அமைதியும் வளமும் பெருகும்.

ஆபத்தை விளைவிக்கும் தீய சக்திகளை நீக்கும் கடவுளாக கருதப்படுகிறார் ஆஞ்சநேயர். நீங்கள் தீய சக்திகளால் பிரச்சனைக்கு உள்ளாகியுள்ளீர்கள் என்றால் ஆஞ்சநேயர் மந்திரங்களை உங்கள் தலையணையின் கீழ் வைத்து படுங்கள். அது உங்களுக்கு அமைதியை ஏற்படுத்தும். கடினமான எண்ணங்களை போக்கவும் கூட இது உதவும்.

நாம் அனைவரும் தெரிந்தோ தெரியாமலோ பாவங்களை செய்கிறோம். ஹிந்து மத கொள்கைகளின் படி, நம் பாவங்களினால் தான் பிறப்பு-இறப்பு என்ற சுழற்சிக்குள் சிக்கி தவிக்கிறோம். ஆஞ்சநேயர் மந்திரங்களில் ஆரம்ப செய்யுள்களை ஓதினால், சென்ற ஜென்மத்திலும் தற்போதைய ஜென்மத்திலும் செய்த பாவங்கள் நீங்கும்.

விநாயகரை போல் ஆஞ்சநேயரும் கூட நம் அனைத்து தடைகளையும் நீக்கும் வல்லமையை பெற்றவர். முழுமையான பக்தியோடு ஒருவர் ஆஞ்சநேயர் மந்திரங்களை படித்தால், ஆஞ்சநேயரின் இறைதன்மையுள்ள பாதுகாப்பு கிடைக்கும் என நம்பப்படுகிறது. வாழ்க்கையில் அந்த பக்தர் எந்த ஒரு சிக்கல்களையும் சந்திக்க மாட்டார்.

காலை எழுந்த முதல் காரியமாக ஆஞ்சநேயர் மந்திரங்களை படித்தால், அன்றைய நாள் சிறப்பாக செல்லும். நீங்கள் அமைதியாக இருக்க உதவும். அதே போல் வாழ்க்கையும் உங்கள் கட்டுப்பாட்டின் கீழ் அமையும். ஆஞ்சநேயர் மந்திரங்களை ஜெபித்தால், ஒருவருக்கு ஆன்மீக ஆசீர்வாதம் கிடைக்கும்.

சில கார்களில் முன்பக்க கண்ணாடியில் அல்லது டாஷ்போர்ட் மீது சிறிய ஆஞ்சநேயர் சிலையை கண்டிருப்பீர்கள். சரி அவரின் சிலையை எதற்கு வாகனங்களில் வைக்கிறார்கள் என்பது உங்களுக்கு தெரியுமா? விபத்துக்களை தவிர்த்து, வெற்றிகரமான பயணத்தை மேற்கொள்ள ஆஞ்சநேயர் உதவுகிறார் என நம்பப்படுகிறது.

ஆஞ்சநேயர் மந்திரங்களை ஓதுவதால் கிடைக்கும் பயன்கள் எண்ணிலடங்கானவை. தூய்மையான ஆன்மீகத்துடனும் கவனத்துடனும் இந்த 40 செய்யுள்களையும் நீங்கள் படித்தால், உங்களின் அனைத்து ஆசைகளும் நிறைவேறும். இந்த மந்திரங்களை தொடர்ந்து படித்து வந்தால், கடவுளின் ஆசியும் அனுகிரஹமும் உங்களுக்கு எப்போதும் இருக்கும்.

ஆஞ்சநேயர் மந்திரங்களை ஓதும் பக்தர்களுக்கு ஆன்மீக அறிவு கிடைக்கும். ஆன்மீகத்தில் சரியான பாதையை நோக்கி செல்பவர்களுக்கு ஆஞ்சநேயர் சரியான பாதையை காண்பிப்பார் என நம்பப்படுகிறது. அதே போல் தங்கள் மனதை கட்டுப்படுத்துவும் உதவுவார் என நம்பப்படுகிறது.

ஆஞ்சநேயர் மந்திரங்களை அதிக சத்தத்துடன் படித்தால், நம்மை சுற்றி நேர்மறையான ஆற்றல் திறன்கள் அதிகமான சுற்றும

அதனால் நாள் முழுவதும் நீங்கள் உற்ச்சாகத்துடன் இருக்கலாம். இது சோர்வு மற்றும் தாமதமாக்கலை போக்கி ஒருவரை திறமையானவராக மாற்றும். தலைவலி, தூக்கமின்மை, பதற்றம், மன அழுத்தம் போன்ற சிறிய பிரச்சனைகளையும் கூட இது குணமாக்கும்.

கெட்ட சகவாசம் அல்லது ஏதேனும் பழக்கத்திற்கு அடிமையானால், ஆஞ்சநேயர் மந்திரங்களை படித்தால், அவர்களை சீர்திருத்த அது உதவும். மந்திரங்கள் படிப்பதால் ஏற்படும் ஆற்றல் திறன் பக்தனின் இதயத்தை நேர்மறையான எண்ணம் மற்றும்

உண்மையான பக்தி மற்றும் அர்பணிப்புடன் ஆஞ்சநேயர் மந்திரங்களை தினமும் படித்து வந்தால், அனைத்து வித கருத்து வேறுபாடுகளும் வாக்குவாதங்களும் நீங்கி, வாழ்க்கையில் ஒருமித்த கருத்து, மனநிறைவு, சந்தோஷம் மற்றும் அமைதியும் நிலவும். உறவில் நீடிக்கும் எதிர்மறை எண்ணங்களை போக்கி, நல்லிணக்கத்தை கொண்டு வரும்.

பஞ்சமுக ஆஞ்சநேயர் மந்திரம்!

1.கிழக்கு முகம்-ஹனுமார்

(இந்த ஸ்லோகத்தை பாராயணம் செய்து வர பகைவர்களால் ஏற்படும் தொல்லைகள் நீங்கும்)

ஓம் நமோ பகவதே பஞ்ச வதனாய பூர்வகபி முகே
ஸகல சத்ரு ஸம்ஹாரணாய ஸ்வாஹா.

2.தெற்கு முகம்-நரஸிம்மர்

(இந்த ஸ்லோகத்தை பாராயணம் செய்து வர எல்லாவித பயங்கள், தோஷங்கள், பூத ப்ரேத, துர்தேவதை தோஷங்கள் ஆகியவை நீங்கும்)

ஓம் நமோ பகவதே பஞ்ச வதனாய தக்ஷ?ண முகே
கரால வதனாய நிருஸிம்ஹாய
ஸகல பூத ப்ரேத ப்ரமதனாய ஸ்வாஹா.

3.மேற்கு முகம்-கருடர்

(இந்த ஸ்லோகத்தை பாராயணம் செய்து வர எல்லாவித உடல் உபாதைகள், விஷக்கடி, விஷஜுரங்கள் ஆகியவை நீங்கும்)

ஓம் நமோ பகவதே பஞ்சவதனாய பச்சிம
முகே கருடாய ஸகல விஷ ஹரணாய ஸ்வாஹா

4.வடக்கு முகம்- வராஹர்

(இந்த ஸ்லோகத்தை பாராயணம் செய்து வர தரித்திரம் நீங்கி செல்வம் பெருகும்)

ஓம் நமோ பகவதே பஞ்சவதனாய உத்தர முகே
ஆதிவராஹாய ஸகல ஸம்பத் கராய ஸ்வாஹா.

5.மேல்முகம்-ஹயக்ரீவர்

(இந்த ஸ்லோகத்தை பாராயணம் செய்து வர ஜன வசீகரம், வாக்குபலிதம், கல்வியில் முன்னேற்றம் ஏற்படும்)

ஓம் நமோ பகவதே பஞ்ச வதனாய ஊர்த்வ முகே
ஹயக்ரீவாய ஸகல ஜன வசீகரணாய ஸ்வாஹா.

ஆஞ்சநேயர் அருள் கிடைக்க சொல்ல வேண்டிய மந்திரம் வருமாறு:-

ஸர்வ கல்யாண தாதாரம்
ஸர்வ வாபத்கந வாரகம்
அபார கருணா மூர்த்திம்
ஆஞ்ச நேயம் நமாம் யஹம்

தினமும் 21 முறை ‘ஸ்ரீராம் ஜெயராம் ஜெய ஜெய ராம்’ என்ற மந்திரத்தையும் கூறலாம்.

அனைத்து காரியங்களிலும் வெற்றி பெற தினமும் சொல்ல வேண்டிய மந்திரம் வருமாறு:-

ஸ்ரீராம தூத மஹாதீர
ருத்ர வீர்ய ஸமத் பவ
ஆஞ்சநேய கர்ப்ப ஸம்பூத
வாயு புத்திர நமோஸ்துதே

ஆஞ்சநேயரை வழிபட்டு கீழ்கண்ட சுலோகத்தை ஜெபித்தால் கெட்ட கனவுகள் பலிக்காது. சுலோகம் வருமாறு:-

புத்திர் பலம் யசோதை ரியம்
நிர்பயத்வ மரோகதா
அஜாட்யம் வாக்படுத்வம்ச
ஹனுமத் ஸ்மரணாத்பவேத்

கும்ப ராசியில் பிறந்தவர்கள் ஒவ்வொரு வாரமும் சனிக்கிழமை ஆஞ்சநேயருக்கு அர்ச்சனை செய்து ‘ஓம் ஸ்ரீம் ஸ்ரீ உபேந்திராய அச்சுதாய நமோ நம’ என்ற மந்திரத்தை பாராயணம் செய்து வந்தால் நல்ல பலன்கள் உண்டாகும்.

கொடுத்த மோதிரத்தை சீதையிடமும், சீதை கொடுத்த சூடாமணியை ராமனிடமும் கொடுத்து அவர் களின் முகத்தில் மகிழ்ச்சியை படரச் செய்தவர். வேகத்தில் தந்தை வாயுவுக்கு சமமான அனுமன், புத்திக்கூர்மை, தைரியம், பராக்கிரமம், சக்தி, தேஜஸ் போன்றவற்றில் ராமனுக்கு நிகரானவர். இந்திரஜித் எய்த நாகபாணத்தால், மூர்ச்சையாகி விழுந்த லட்சுமணனைக் காப்பாற்ற, சஞ்சீவி மலையை பெயர்த்து எடுத்து, தனது உள்ளங்கையில் தாங்கியபடி வந்தவர். மகாபாரதப் போரில், அர்ச்சுனனின் தேர் கொடியில் இருந்து, அவனுக்கு வெற்றியைத் தேடித் தந்தவர் அனுமன். ஆஞ்சநேயரின் விஸ்வரூபம் சீதைக்கு மகிழ்ச்சியை ஏற்படுத்தியது. அதே விஸ்வரூபம் பீமனுக்கு பயத்தைக் கொடுத்தது.

பொதுவாக பல இடங்களில் ஆஞ்சநேயர் இடது கையால் சஞ்சீவி மலையையும், வலது கையால் கதையையும் தாங்கியபடி இடுப்பில் சிவந்த ஆடையை உடுத்திக்கொண்டும், மார்பில் மணிமாலையை அணிந்தபடியும், இதயத்தில் ஸ்ரீராமரின் சரணங்களையும், வாக்கில் ஸ்ரீராம நாமத்தையும் தரித்துக் கொண்டு, பக்தர்களின் விருப்பங்களை பூர்த்தி செய்யும் தோற்றத்தில் காணப்படுகிறார். நமது விருப்பங்கள் நிறைவேற கீழ்கண்ட ஆஞ்சநேயர் காயத்ரி மந்திரத்தைத் தினமும் 108 தடவை சொல்லி வரலாம்.

ஆஞ்சநேயர் காயத்ரி மந்திரம்

‘ஓம் ஆஞ்சநேயாய வித்மஹே
வாயுபுத்ராய தீமஹி
தன்னோ ஹனுமன் ப்ரசோதயாத்’

நாம் ஆஞ்சநேயரை அறிந்து கொள்வோம். வாயுவின் புத்திரனான அவர் மீது தியானம் செய்வோம். அனுமன் என்னும் பெயர் கொண்ட அவர் நம்மை காத்து அருள்புரிவார் என்பது இதன் பொருள்.

இந்த காயத்ரி மந்திரத்தை சொல்லி வந்தால், தம்பதியர் ஒற்றுமை ஏற்படும். எடுத்த காரியம் வெற்றியாகும். பகைவர்கள் விலகுவர். கவலைகள் அகலும். நாவன்மை பிறக்கும்.

Disclaimer: A compilation from various posts from Internet, Facebook, Whatsapp. Thanks for all those who contributed towards it. An interest to collect and bring to the notice of those interested is the idea of this post. I am not responsible for accuracy or inaccuracy of the information contained herein. None of the information contained herein is intended to offend anyone. Pictures are taken from various sources for spreading knowledge.